تۆرک جمهوریتلرینده بیر هفتهنین اؤزتی
گئچهن هفته تۆرک جمهورلیتلرینده دقته دگر سفرلر، گؤروشمهلر و ایش فوروملاری تشکیل ائدیلدی
تۆرکسوی باش کاتیبی سلطان رائو، گئچهن هفته تۆرکمنیستاندا گؤزوشمهلر گئرچکلشدیردی. ۲۸ نوامبر ۲۰۲۲ تاریخینده جمهورباشقانی سردار بردیمحمدوو، تۆرکسوی باش کاتیبی سلطان رائوی قبول ائتدی. گؤروشمهده تۆرکمنیستانین تشکیلات ایله اورتاق شکیلده گئرچکلشدیرهجگی مختومقولو فراغینین ۳۰۰.جو ایلدؤنومو، تۆرک دونیاسی کۆلتور باشکندی آنائو کیمی فعالیتلر موذاکیره ائدیلدی. سلطان رائو تۆرکمنیستان مدنیت باخانی آتاگلدی شاموراتوو ایله سؤز قونوسو اورتاق فعالیتلرین آیرینتیلارینی اله آلدی.
۲۷ نوامبر ۲۰۲۲ تاریخینده تۆرکمنیستان مجلیس باشقانی قوربانقولی بردیمحمدوو گونئی کورهیه رسمی سفر گئرچکلشدیردی. بردیمحمدوو سئولدا گونئی کوره جمهورباشقانی و مجلیس باشقانی ایله آیری آیری گؤروشمهلر ائتدی. تۆرکمنیستان و گونئی کوره پارلمانلاری آراسیندا امکداشلیق آنلاشماسی ایمضالاندی.
۲۸-۲۹ نوامبر ۲۰۲۲ تاریخلرینده تاتاریستان جمهورباشقانی روستم میننیخانوو یاردیمچیلاری و ۴۵ تاتار ایش آدامی ایله بیرلیکده آذربایجانا ایش سفری گئرچکلشدیردی. باکیدا آذربایجان-تاتاریستان ایش فورومو گئرچکلشدیریلدی. فوروم چرچیوهسینده بعضی ایکیلی آنلاشمالار ایمضالاندی. جمهورباشقانی روستم میننیخانوو آذربایجان جمهورباشقانی ایلهام علییئو، باشباخان علی اسدوو، باشباخان کؤمکچیسی شاهین مصطفییئو و اقتصاد باخانی میکائیل جابباروو ایله آیری آیری گؤروشدو.
۱-۲ دسامبر ۲۰۲۲ تاریخلرینده سمرقندده اؤزبکیستان باشباخانی عبدالله آریپوو و روسیا باشباخانی میخائیل میشوستینین ایشتیراکی ایله اؤزبکیستان-روسیا بؤلگهسل فورومو ائدیلدی. اؤزبکیستان-روسیا بؤلگهسل فورومونا تاتاریستان جمهور باشقانی روستم میننیخانوو دا قاتیلدی.
تاتاریستان روسیانین تۆرک جمهوریتلری ایله ایلیشکیلرینده اؤنملی رول اویناییر. جمهورباشقانی روستم میننیخانوو ۲۸ نوامبر ۲۰۲۲ تاریخینده اؤزبکیستانین سورخاندریا ائلی باشقانی تورا بوبولوو اؤندرلیگیندهکی هیئتی قبول ائتدی. تاتاریستان فدره اونیوئرسیتهسی اؤزبکیستانین جیزاک شهرینده اؤز یئرلشکهسینی آچدی. تۆرک جمهوریتلریندن اؤیرنجیلر یوکسک تحصیل اوچون روسیا فدراسیونو ایچریسیندن ان چوخ تاتاریستانی سئچیرلر. روستم میننیخانوو ولادیمیر پوتینین امری ایله روسیا-ایسلام دونیاسی استراتژیک باخیش قروپو باشقانی وظیفهسینی ده داوام ائتدیریر.
***
قازاقیستان جمهورباشقانی قاسیم جومرت توکایئو ۲۶ نوامبر ۲۰۲۲ تاریخینده ائدیلهن جمهورباشقانی آند ایچمه مراسیمینین آردیندان ۲۷-۳۰ نوامبر تاریخلرینده روسیا فدراسیونونا و فرانسایا سفر گئرچکلشدیردی. قاسیم جومرت توکایئو و ولادیمیر پوتینین گؤروشمهسیندن سونرا ایکی اؤلکه دیپلوماتیک ایلیشکیلرینین تاسیسینین ۳۰.جو ایل دؤنومو موناسیبتی ایله بیاننامه ایمضالاندی. ۲۹ نوامبر تاریخینده پاریسده گئرچکلشدیریلن قاسیم جومرت توکایئو-امانوئل مکرون گؤروشمهسی سونوندا ۱۶ مادهدن عبارت اولان اورتاق بیلدیری یاییملاندی. طرفلر آراسیندا توپلامدا ۳۵ آنلاشما ایمضالاندی.
ائتدیگی بو سفرلری ایله جمهورباشقانی توکایئو جمهورباشقانلیغینین یئنی دؤورونده دنگهلی خاریجی سیاستی داوام ائتدیرمهیه قرارلی اولدوغونو اورتایا قویدو. هم ان بؤیوک استراتژیک اورتاغی اولان روسیایا هم ده ان بؤیوک تیجارت اورتاقلاریندان فرانسایا آرخا آرخایا سفر گئرچکلشدیررک باتی-روسیا چکیشمهسینده طرف اولمایاجاغینی ایفاده ائتمیش اولدو.
گلیشمهلردن گؤرولدوگو اوزره، گئچهن هفته تۆرک جمهورلیتلرینده دقته دگر سفرلر، گؤروشمهلر و ایش فوروملاری تشکیل ائدیلدی.
ایلگیلیلی خبرلر
تۆرک جمهوریتلرینین گوندمیندهکی گلیشمهلر
حاضردا دونیانین ۱۵ اؤلکهسینده ۲۹ آذربایجان ائوی خیدمت ائتمکدهدیر