تاریخده بو گون: 29 نوامبر

تاریخین بو گونو هارادا نلر باش وئریب، کیم‌لر خاطیرلانیر؟ قیساجا نظر سالاق.

تاریخده بو گون: 29 نوامبر

تاریخین بو گونو هارادا نلر باش وئریب، کیم‌لر خاطیرلانیر؟ قیساجا نظر سالاق.

29 نوامبر 1864-جو ایلده امریکا تاریخیندکی ان بؤیوک قیزیل دریلی قتل عامی "ساند جرئک" باش وئردی. امریکا اردوسو قیزیل دریلی لرین یاشادیغی مودافعه‌سیز بیر کنده هوجوم ائتدی، آرا‌لاریندا قادین و اوشاق‌لارین دا اولدوغو 500 قیزیل دریلی قتله یئتیریلدی.

***

29 نوامبر 1937-جی ایلده حاتای-ین موستقیل‌لیگی اوچون ایلک آدیم آتیلدی، موختار حاکمیت وظیفه‌سی‌نین ایجراسینا باشلادی.

***

29 نوامبر 1947-جی بمت باش مجلیسی فیلیسطین اراضی‌سینده عرب و یهودی دؤولت‌لری‌نین یارادیلماسی حاقیندا قطعنامه قبول ائتدی. بمت-نین فیلیسطین-ین بؤلونمه‌سینه دایر پلانی فیلیسطین-ده بریتانیا مانداتی‌نین 1948-جی ایل آوقوستون 1-ی اوچون قوه‌دن دوشمه‌سینی نظرده توتور و اونون اراضی‌سینده ایکی دؤولتین یارانماسینی توصیه ائدیردی. بمت-نین قرارینا گؤره، قودس و بیت الحم اولوسلار آراسی نظارت آلتیندا اراضی اولما‌لی ایدی.

***

29 نوامبر 1981-جی ایلده 3 دفعه "اسکار" موکافاتی اوچون نامیزد گؤستریلن ناتا‌لیا وود سیررلی شکیلده دنیز قضاسیندا حیاتینی ایتیردی. اوزون ایللر داوام ائدن ایستینتاق نتیجه‌سینده پولیس وودون اؤلمه‌سینده حیات یولداشی روبرت واگنرین “شوبهه‌لی شخص” اولدوغونو آچیقلادی.

***

29 نوامبر 2012-جی ایلده فیلیسطین دؤولتی بمت-نین باش مجلیسینده “موشاهیدچی عضو” اولا‌راق قبول ائدیلدی.

 



ایلگیلی‌لی خبرلر