تورکیه مطبخی (46)
ایچ پلوو
تورکیه مطبخی (46)
ت.ر.ت تورکیهنین سسی رادیوسوندا، تورک مطبخی پروقرامیندان سلاملار.
تورک یئمک مدنیتینه دایر قیسا معلوماتلار اؤتورمک، تورک مطبخیندن رسپتلر وئریریک بو پروقرامدا.
موسیقی تورک مطبخینین تمل یئمکلریندن بیری ده "پلوو" دیر. خصوصیله دوگو ائدیلن پلوو، عثمانلی دؤوروندن بو یانا سوفرهلرین همیشه باش تاجی اولموشدور. دوگو عثمانلی مطبخینه چیندن گلمیش اولسا دا سونراسیندا او قدر چوخ چئشیدی و پیشیرمه تکنیکی ایشلنیب حاضیرلانمیشدیر کی دوگو ائدیلن یئمکلر و خصوصیله ده پلوو عثمانلی مطبخینین ان تمل یئمکلری آراسینا گیرمیشدیر. عثمانلی پیلاولارینی بو قدر خصوصی ائدن شئی اصلینده ایچینه قاتیلان ماتریاللارین موختلیفلیگینین. ات، بالیق، دنیز محصوللاری، پاخلالی و تروزلرله ائدیلن بیر چوخ پلوو نوعو وار عثمانلی مطبخینده. بونلاردان چوخو آرتیق اونودولموش اولسا دا اونلاردان بیر دسته هله تورک مطبخینده بیشیریلمهیه و سئویلهرک مصرف ائدیلمهیه داوام ائدیر. ایشده اونلاردان بیری؛ "ایچ پلوو". تورک مطبخی پروقرامیندا بو گون سیزلرله یئمک دعوتلرینین ایمتیناع ائدیلمز یئمکلریندن بیری اولان "ایچ پلوو" تعریفی پایلاشاجاغیق.
موسیقی " ایچ پلوو" ائتمک اوچون اوّل لازیم اولان وسایللری سایاق؛
150 قرام قوزو جیری
1.5 سو ایستکانی دوگو
1 عدد کیچیک دوغرانمیش سوغان
2 شوربا قاشیغی دولما فیستیغی
2.5 شوربا قاشیغی قوش اوزومو
1/2 شیرین قاشیغی یئنیباهار
1/2 شیرین قاشیغی دارچین
1/3 شیرین قاشیغی قارا بیبر
4 قاشیق کره یاغی
2. 5 سو ایستکانی ایستی سو
3 بوداق اینجه قیییلمیش جعفری
دوز
سیرا گلدی "ایچ پلووو" پیشیرمهیه. دوگونو بیر قابا آلین، اوستونو اؤرتهجک قدر ایستی سو و دوز علاوه ائدیب 30 دقیقه گؤزلدین. سونرا سویوق سودا بیر نئچه دفعه یویون و سوزولور بوراخین. بو آرادا، جیگری 1سانتیمتر2 لیک کوپلر حالیندا دوغرایین. قوش اوزوملرینین ساپلارینی چیخاریش، یومشالیب شیشمهلری اوچون یاریم ساعات سودا گؤزلدین. 2 قاشیق کره یاغینی بیر قازاندا اریدین.
دولما فیندیغینی پمبهلشینجهیه قدر قووورون. سوغانلاری علاوه ائدهرک قووورماغا داوام ائدین. سوغانلار یومشالان باشلایینجا جیگرلرینیزین علاوه ائدین. هامیسینی، 3-4 دقیقه داها اورتا حرارتدکی آتشده قووورون. قازانا 2.5 ایستکان ایستی سویو و قالان کره یاغی علاوه ائدین. سو قاینادیغی، سوزولموش دوگونو، دوزو، قارا بیبری، یئنیباهار، دارچینی و قوش اوزوملرینی علاوه قازانین قاپاغینی باغلایین .
اوّل حرارتلی آتشده، سو قاینادیقدان سونرا ایسه باتیق آتشده، دوگو سویو چکنه قدر پیشیرین. اوجاقدان آلدیقدان سونرا قاپاغی باغلی اولاراق 15-20 دقیقه استراحت ائتدیرین. تاختا قاشیقلا پلووو هارمانلایین، اوزرینه اینه قیییلمیش جعفری سپهرک خیدمت ائدین. نوش اولسون ... نوش اولسون!
تورک مطبخی پروقرامیندا بو گون سیزلره تورک مطبخینین وازگئچیلمزلریندن بیر اولان " ایچ پلوو" تعریفی وئردیک. بیر باشقا پروقرامدا بیر باشقا تورک لذتیله گؤروشمک اوچون خوشچا قالین
ایلگیلیلی خبرلر
تۆرک جمهوریتلرینین گوندمیندهکی گلیشمهلر
حاضردا دونیانین ۱۵ اؤلکهسینده ۲۹ آذربایجان ائوی خیدمت ائتمکدهدیر