تورکیه‌ده توریزم- ۲
کاپادوکیا
سئوگیلی دوستلار! کاپادوکیا تورکیه‌نین ان اؤنملی توریست بؤلگه‌لرین‌دن بیریدیر.
اورتا آنادولوداکی گؤره‌مه، اۆرگوپ، اوچ حیصار، آوانوس، درین قویو، قایماق‌لی، ایحلارا و اطرافی، کاپادوکیا بؤلگه‌سینین ائشسیز توریستیک یئرلری.
طبیعی گؤزل‌لیکلرین و تاریخین ایچ ایچه گئچدیگی کاپادوکیانین تمللری مینلرجه ایل اؤنجه، اورتا آنادولوداکی داغلار فعال وولکان ایکن، پوسکورتدوکلری لاولارلا آتیلمیش. آخان لاو سئلی بؤلگه‌ده مختلیف سرت‌لیک‌ده بیر تۆف(وولکانیک کۆللردن اولوشان کایا) طبقه‌سی یاراتمیش. مینلرجه ایل بویونجا یاغیشلارین، سئللرین، کولکلرین بو تۆف طبقه‌سینی آشیندیرماسی ایله بؤلگه‌ده "پری پاجالاری" آدی وئریله‌ن طبیعت معجزه‌لری اورتایا چیخمیش.
...
کاپادوکیا، تاریخ بویو آسورلولارا، هیتی‌لره، پرسلره ائو صاحب‌لیگی ائتمیش. بیر دؤور روما امپراتورلوغونون حاکمیتینه گیرمیش. بؤلگه‌ده بوتون بو مدنیتلرین ایزلرینی، آیریجا سلجوق‌لو و عثمانلی دؤولتلرینه عاید اثرلری گؤرمک مومکون.
یونسکونون هم مد‌نی، هم ده طبیعی میراث لیسته‌سینده یئر آلان گؤره‌مه میلی پارکین‌دا مؤحتشم پری پاجالارینین یانی سیرا، بؤلگه‌یه سیغینان خریستیانلارین یاشاییش یئرلرینی، کلیسه‌لرینی گؤرمک مومکون.
کاپادوکیاداکی تای‌سیز گؤزل‌لیکده‌کی دره‌لر، حیران‌لیق دوغوران یئرآلتی شهرلر، قالالار، کلیسه‌لر، مسجیدلر، چاناق آتلیه‌لری، گزیله‌بیله‌جک یئرلر...
...
تاریخین درین‌لیکلرینه ائنمک، پری پاجالارینین یانیدا دره‌لرین‌ده یئریمک، گکئچمیشین ایزلرینی تعقیب ائتمک، بۆیولنمک اوچون کاپادوکیا سفر لیسته نیزه علاوه ائدیب "گئدین گؤرون" دئییریک.
اونودولماز بیر تجروبه یاشاماق ایستییرسینیزسه، بؤلگه‌نی هاوادان گؤرمه شانسی وئرن بالن تورونا قاتیلمانیزی توصیه ائدیریک.
تئستی)کۆزه) کبابی، چؤلمک کبابی، گۆل بؤرگی، دویون چوریاسی (توی شورباسی) و آسیده دادلیسی یئمه‌دن کاپادوکیا آیریلمامانیزی اؤنریریک.
ایلگیلی‌لی خبرلر
تۆرک جمهوریتلرینین گوندمیندهکی گلیشمه‌لر
حاضردا دونیانین ۱۵ اؤلکه‌سینده ۲۹ آذربایجان ائوی خیدمت ائتمکده‌دیر
