گوندم آنالیز (39)
تورکیه جمهور باشقانی رجب طیب اردوغان ایله روسیا پرزیدنتی ولادیمیر پوتین سوچی‌دکی ایکیطرف‌لی گؤروشمه‌دن سونرا بیرگه مطبوعات کونفرانسی کئچیریب
گوندم آنالیز (39)
تورکیه جمهور باشقانی رجب طیب اردوغان ایله روسیا پرزیدنتی ولادیمیر پوتین سوچی‌دکی ایکیطرف‌لی گؤروشمه‌دن سونرا بیرگه مطبوعات کونفرانسی کئچیریب. ایکی لیدر وئردیگی بیرگه آچیقلامادا ایدلیبده سیلاحلاردان تمیزلنمیش بؤلگه مسئله‌سینده راضی اولدوق‌لارینی وورغولاییب. دیگر طرف‌دن حلّ ائدیجی ایجلاسین درحال سونرا روسیا ساوونما ناظیرلیگین‌دن ائدیلن آچیقلامادا، ایدلیبده عملیات کئچیرمه‌یه‌جک" دئییلدی.
سئتا (سیاست، اکونومی و توپلوم آراشدیرما‌لاری فوندو) آراشدیرماچی - یازار جان آجون'ون مسئله ایله باغلی قیمتلندیرمه‌سینی تقدیم ائدیریک.
الده ائدیلن آنلاشما ایله تورکیه بؤیوک بیر اوغور الده ائدیب. پرزیدنت رجب طیب اردوغانین قرارلی دوروشو، سون دؤورده ایدلیب مسئله‌سینی ییلنمه‌سی، ائتدیگی چیخیش‌لار و تهران‌داکی آتشکس ایصراری اؤزونو عینی زاماندا ساحه'ده گؤستردی. سون گون‌لر تورکیه سیلاحلی گوج‌لری ایدلیب ایچری‌سینده چوخ اؤنملی گوجلندیمه'لر ائدیب. تورکیه‌نین ایدلیب یئرلشن 12 موشاهیده نقطه‌سینه چوخسای‌لی زیرئه‌لی تکنیک، تانک و نیظامی بیرلیک‌لر سؤوق ائدیلیب. تورکیه هر قرارلی اولدوغونو روسیا، ایران و اسد رژیمینه و شیعه میلیتان‌لارا گؤسترمیش اولدو. البته، بیر طرف‌دن آپاریلان دیپلوماتیک دانیشیق‌لار و دیگر طرف‌دن عینی زاماندا ساحه'ده کئچیریلن نیظامی آددیم‌لار نهایت نتیجه وئریب. روسیا سوچی'ده جیدی معنادا گئری آددیم آتمیش اولدو. روسیا، ایران و اسد رژیمی ایدلیب احاطه‌لی بیر نیظامی حرکات حیاتا کئچیرمک ایستییردی. بونا قارشی جیدی باسقی‌لار واردی. خصوصیله جیسر سوگور و شما‌لی حما بؤلگه‌سی‌نین بومباردمانا توتولماسی و رژیم گوج‌لری ایله ایران دستک‌لی میلیتان‌لارین جبهه خط‌لرینه قارشی آپاردیق‌لاری آشیری یؤوقیاتلار باسقینی آرتیریردی.
دولاییسی ایله، بئله بیر نیظامی حرکاتین قارشی‌سی آلینمیش اولماسی هم تورکیه‌نین میللی امنیتینی، هم ده سوریه'نین گله'جگی اوچون باریش پروسه'سینده بؤیوک اهمیت کسب ائدیر. ان اؤنم‌لی‌سی ایسه، تورکیه‌نین اؤز یئرلری نتیجه‌سینده 3 میلیون اوزرینده وطنداشین حیاتی قورونموش اولماسی و بؤیوک بیر قاچقین آخینی‌نین قارشی‌سی آلینمیش اولماسی‌دیر. ایدلیب نقطه‌سینده الده ائدیلن اوغورا گؤره پرزیدنتی رجب طیب اردوغانی، تورک سیلاحلی گوج‌لرینی و میللی کشفیات تشکیلاتینی تبریک ائتمک لازیم‌دیر. دونیانین اندیشه ایله باخدیغی بیر بؤلگه‌ده اینسانی بحرانین یاشانماسی قارشی‌سی آلینمیش اولدو.
روسیا ایله سوچیده الده ائدیلن آنلاشما کونتکستینده یارادیلا‌جاق سیلاحسیزلاشدیریلمیش بؤلگه'دن ایکی طرف‌لی اولا‌راق رادیکال عنصورلارین و آغیر سیلاحلارین چکیلمه‌سی‌نین تامین ائدیلمه‌سی لازیم‌دیر. بو باخیم‌دان هم روسیا، هم ده تورکیه‌یه بؤیوک وظیفه دوشور. روسیانین ساحه'دکی تلاشی میلیتان‌لاری تأثیر ائتمه‌سی لازیم، تورکیه نماینده هیاتی تحریر اوش شام کیمی عابده‌لرین وارلیغینا یؤنه‌لیک حل ائتمک مجبوریتینده.
تورکیه و روسیانین 15-20 کیلومتر درین‌لیکده سیلاحسیزلاشدیریلمیش بؤلگه'نین یارادیلماسی‌نین تمیناتچی‌سی اولارکن، عینی زاماندا کووردیناسیون‌لو موستقیل کونترول فعالیت‌لرینده ائده‌جک‌دیر. تورکیه و روسیا آستانا پروسه'سی کونتکستینده یارادیلان گونترول نقطه‌لرینی عسگری اولا‌راق گوجلندیره'جک و سیلاحسیزلاشدیریلمیش بؤلگه'نین ایکی اؤلکه‌نین اینساسیز هاوا وسیطه'لری ایله نظارت آلتیندا توتولا‌جاق. سیلاحسیزلاشدیریلمیش بؤلگه‌لردکی سوریه موخالیفتی‌نین و رژیم گوج‌لری‌نین نظارت ساحه‌لری و وارلیغی قورونا‌جاق و ایکی طرف‌لی اولا‌راق آغیر سیلاحلار جبهه خطین‌دن چکیله‌جک.
الده ائدیلن آنلاشما کونتکستینده ایستراتژیک اهمیته مالیک م4 و م5 اوتوموبیل اوتوبان‌لاری گوون آلتینا آلینیب، یئنی تیجارت اوچون آچیلا‌جاق. لازقیه و دمشقی حلبه باغ‌لانان م4 و م5 اوتوموبیل اوتوبان‌لاری سوریه اکونومیسی اوچون بؤیوک اهمیت کسب ائدیر.
تورکیه و روسیا آراسیندا آنلاشما عینی زاماندا تورکیه‌نین ترورلا موباریزه‌سینی ده مثبت تأثیر ائده‌جک‌دیر. بئله کی، پ.ک.ک/ی.پ.گ ترورچولاری ایدلیب عملیاتین‌دان ایستیفاده ائدیب عفرین اوزرینده باسقی یاراتماق ایستییردی. آنلاشما ایله بو تهدیدین ده قارشی‌سی آلینمیش اولدو. بون‌دان باشقا، ایدلیب عملیاتین قارشی‌سی آلینمیش اولماسی ایله یاناشی، تورکیه‌نین یئنی‌دن داها اوداقلی بیر شکیلده پ.ک.ک/ی.پ.گ-نین یاراتدیغی تهدیده قارشی آددیم آتماسی گؤزلمک اولار.
سئتا (سیاست، اکونومی و توپلوم آراشدیرما‌لاری فوندو) آراشدیرماچی - یازار جان آجون-ون مسئله ایله باغلی قیمتلندیرمه‌سینی تقدیم ائتدیم.
ایلگیلی‌لی خبرلر
تۆرک جمهوریتلرینین گوندمیندهکی گلیشمه‌لر
حاضردا دونیانین ۱۵ اؤلکه‌سینده ۲۹ آذربایجان ائوی خیدمت ائتمکده‌دیر
