تورکیهنین ترورلا موباریزهده یئنی آشاماسی: زیتون دالی عملیاتی
تورکیهنین جمهوریتی ترورلا موباریزهسینه سرعت کسمهدن داوام ائدیر. بو باخیمدان تورکیه عفرینده اولموش ترور تشکیلاتی پ.ک.ک عضولرینه قارشی عملیات (زیتون دالی عملیاتی) باشلادی
تورک دیش پولیتیکاسینا باخیشلار(4)
تورکیه جمهوریتی ترورلا موباریزهسینه سرعت کسمهدن داوام ائدیر. بو باخیمدان تورکیه عفرینده اولموش ترور تشکیلاتی پ.ک.ک عضولرینه قارشی عملیات (زیتون دالی عملیاتی) باشلادی. بیز ده بو هفته پروقرامیمیزدا بو عملیاتی و تورک خاریجی سیاستینه عکس اولونمالارینی تحلیل ائدجگیک.
آتاتورک اونیورسیتهسی اولوسلار آراسی ایلیشکیلر آراشدیرماچیسی دوکتور جمیل دوغاچ ایپکین مسئله ایله باغلی قیمتلندیرمهسینی تقدیم ائدیریک.
-----------
تورکیه بیر مدتدیر مرزینین درحال یعنی باشیندا ترور تهدیدی قبول ائتدیگی بیر عمله قارشی نیظامی عملیات پلانلاشدیریردی. تورکیه و تورکیهنین تربییه ائتدیگی میلی اوردو منسوبلاری قیسا بیر مدت اوّل عفرینده اولان بؤلوچو ترور تشکیلاتی پ.ک.ک/ی.پ.گ عضولرینه قارشی حرکته کئچدی. اوزون زاماندیر حاضیرلیقلاری داوام ائدن عملیات، تورکیه پرزیدنتی اردوغانین آچیقلاماسیندان قیسا بیر مدت سونرا 20 ژانویه ساعت 17:00دا سالدیری مرحلهسینه کئچیلهرک باشلانیلیب. عملیاتین آدی "زیتون دالی" کیمی دونیا توپلومینا اعلان ائدیلدی.
عملیاتا نیظامی باخیمدان قیمتلندیرنده تورکیه و میدانچاداکی موتتفیقلرینین بو مسئلهده قوسورو یوخ. چونکی اوزون مدتدیر بؤلگهیه نئچه آپاریلیر. تورکیه مرزلری ایچریسیندکی نئچهیه علاوه اولاراق عفرینین شرقینده اؤزگور سوریه اوردوسو/ میلّی اوردو و جنوبوندا ده تورک عسگرلری وار. بئلهلیکله، بوردادا عملیات البابدان فرقلی ایجرا ائدیلیر. آنلادیغیمیز قدریله اوّل محاصیرهدن سونرا سوپورمه کئچیریلهجک.
سوریهنین شمال-غربینده یئرلشن عفرین؛ حلب ایالتینه باغلی بیر شهر مرکزی. تورکیه ایله مرز خطینده اهمیتلی بیر موقعده. عفرین، تورکمنلرین، کوردلرین و عربلرین بیرلیکده یاشادیغی بیر یئردی. آنجاق پ.ک.ک/ی.پ.گ-نین بؤلگهده فعال اولماقلا یاناشی تورکمنلری و عربلری بؤیوک میقداردا کؤچ ائتمهیه وادار ائتدی. پ.ک.ک/ی.پ.گ بؤلگهده فعال اولمادان اوّل عفرینده چوخ جیدی بیر تورکمن اهالیسی و یاشاییشلاری وار ایدی. عفرین و اطرافینداکی تورکمن کؤیلرینین/ یاشاییشلارینین لوکاسیون-لاری و آدلاری بو شکیلده: مرزدکی میدان اکبزدن باشلایاراق، جنوبا دوغرو: دلی عثمان، بیندیرک، ولیدی، دلی اوغلان، گوونده، تپه کؤی، کوروکؤی، پوللو، سوکاللی، آتامانلی، آلیویران، فیرفیریک، میدانلی اوبا، علمدار، چاقمانق، کوچوکسوکالی اؤکسوزلو، گؤبک کؤیو، داغ اوباسی، شئیلر اوباسی، دیک اوباسی و ماغارا کندلری. اینجهسو چایینین شرقینده، غازی آنتب مرزیندن جنوبا دوغرو: بولبول، بالیکؤی، بئغ اوباسی، محمود اوبا، کالئکؤی، زیارتکؤی، سرنجی، اورتا اوبا، آشاغی اوبا، سالکایا، علی بئغ، قاریشیق، قوناق، خیدیرلی، چولاکلی، کار اوبا، قورو گؤل، قاش اوزاندی، بئبه اوشادی، کورت اوشاتی، آلکانلی، نقطهلی، آلیجی، قیزیلباش، کیچیک کارمین (درویش کندی)، بلن، ناز نؤکری، میدان، چورباجی اوغلو و آنبارلی کندلری. چرچیم درهسینین دوغوسو/تورکیه مرزینه دوغرو اولان حیسه: درویش اوبا، کوچوک آتامانلی، قاضی کندی، مامالی اوشاغی، عمر اوشاغی، ساری اوشاق، کانتارلی، بیرینجیلیک، کانتارا، مابئدی، چومزلی، آل جورا، حاجی قاسیملی، آرسلانین کندی، ساتی اوشاغی، کیشلا کندی، سئلچیک، چاققال، شیخ چاققال و اینکاله کندلری. چرچیم درهسیندن داوام ائتسک: آشاغی کیشلا، دار گونئی، سوباشی، چولاقلار، کاراباش، بؤیوک چاققاللی، حاجی حسنلی،
آشاغی چوبانلی، تاتارحانلی،کاراخان کند، کوجامان شیخ عبدالرحمان غازی، گوموش بورج، یاحا قوز، حاجدار، حاجلی، حاجی ایسگندر کندلری. جبل سمانین شرقی و عفرین سویو درهسیندکی تورکمن کندلری: (شمالدان جنوبا دوغرو سیرا ایله): کورت قولاغی، قارا کورد قولاغی، قاراتپه، کرسن داش، (ناحیه مرکزی) مسوت، بورج غازیلر، چادیرکؤی، ایسکانکؤی، جلمه، قدیم جلمه، گؤل باییلی، یوخاری دیوان، موللا خلیل، آتماکؤی. اعزاز ایله عفرین سویو آراسیندا قالان تورکمن کندلری: ایکی دام، دام، کوزونجو پینار، آرپا وئرن، دیکمتاش، کوزجوپیناری، عمرانلی، بؤیوک کارقین، علی بیلی، چمنلی، دیرکلی، آشاغی دام، کاستال، زیارت، کاتما، متینلی و علی کند. اعزازین شرقینده ایسه؛ سوجو، کفئر، پارچا، کفئرسوچ، ایغده، هاوار، هاجار، ناسمیه، تلباتتال، قیساجیک، تلشاهین، چکه، دودان، قورو مزرا، باغدیلی، کاراکؤپرو، یئنییاپان، میرگیل، شاماندیرا، ساوران، توغلو، کیزیلمزرا، باراک، کفئر، کانی، تل حسین، یئلبابال، ال بئغلی، یاهنیل و دفتردار کندلری یئرلشیر.
عفرین آسان بیر هدف حساب ائدیلممهلی. چونکی پ.ک.ک/ی.پ.گ اوزون مدتدیر حاضیرلیق گؤرور. بو مقصدله چوخ سایدا تروریست اؤیرتدیلر. بؤلگهده چوخ سایدا تونل قازدیقلارینی و بؤلگه جیدی اؤلچوده سیلاحلاندیقلارینی بیلیریک. همچینین پ.ک.ک/ی.پ.گ اونونلا عینی کارخانانین محصولو اولان داعشدن چوخ شئی اؤیرندی و بونلاری ساحهده حیاتا کئچیریر. بو عملیاتدا دا وطنداشلاری جانلی قالخان اولاراق ایستیفاده ائتمک باشدا اولماق عذره موختلیف داعش مئتودلارینی حیاتا کئچیرهجکلر. آنجاق، بوتون بونلارا باخمایاراق تورک اوردوسو و موتتفیقلری بؤلوچو ترور تشکیلاتینی ائنینده سونوندا مغلوب ائدهجک گوجه مالیکدیر. اونو دا موطلق وورغولامالیییق کی، بو عملیات قطعن کوردلره قارشی ائدیلن بیر عملیات دئییل. اونسوز دا بؤلگهدکی کوردلر ده بونون فرقینده. همچینین بو آیرنتی دا اؤنملی؛ عملیاتا قاتیلان بوتون تورکمن قوشونلارینین کیلید یئرلرینده کورد قوموتانلار وار. اونلار دا پ.ک.ک ترورونا قارشی جانلا باشلا موباریزه آپاریرلار.
مسئلهیه آمریکا باخیمیندان گؤتورسک؛ آمریکا اوچون بو مرحلهده عفرینین بیر اهمیتی یوخدور. حتی آمریکا بو عملیاتدان ممنونیت بئله ائشیدیر اوّلا. بونون ایکی سببی وار. بیرینجیسی، تورکیه ایله روسیانین عفرین اوزریندن پروبلم یاشایابیلمه احتیمالی. ایکینجیسی ایسه، معلوم، آمریکا، فیراتین شرقینده پ.ک.ک ایله اوزون مدتلی بیر نیظامی و سیاسی پروژه اینکیشاف ائتدیریر. بو پروژهنین بیرباشا قارشیسیندا اولان تورکیهنین باشقا بیر پروبلمله مشغول اولماسی آمریکا اوچون ممنونیتله قارشیلانا بیلر.
تورکیه، فیرات قالخانی عملیاتیندا اولدوغو کیمی بیرلشمیش میللتلر امنیت شوراسینین قطعنامهلرینه و بیرلشمیش میلّتلر آندلاشما-سینین 51-جی مادهسینه اساسلاناراق بو عملیاتی حیاتا کئچیریر. بونا گؤره ده زیتون دالی عملیاتی اولوسلار آراسی حقوق باخیمیندان قانونی بیر حرکتدیر. گومان ائدیرم کی، بو حرکات عفرین ایله محدود قالمایاجاق و داوامی گلهجک. اصلینده کونژوکتور دا بونون اوچون تورکیهیه ایمکانلار آچیر. چونکی روسیا و آمریکا، سوریه مسئلهسینده جیدی چکیشمه ایچریسینده. بو شرایطده تعادول عنصورو اولاراق تورکیه اؤن پلانا چیخیر. تورکیه بو شرایطی قیمتلندیره. اونسوز دا تورکیه پرزیدنتی اردوغانین چیخیشلاریندا بو قرارلیلیغی گؤروروک. عفریندن سونرا عملیاتین اوّل مونبیچه سونرا تل آبیادا دوغرو گئنیشلنمهسی سورپریز اولماز.
---------
آتاتورک اونیورسیتهسی اولوسلار آراسی ایلیشکیلر آراشدیرماچیسی دوکتور جمیل دوغاچ ایپکین مسئله ایله باغلی قیمتلندیرمهسینی تقدیم ائتدیک
ایلگیلیلی خبرلر
تۆرک جمهوریتلرینین گوندمیندهکی گلیشمهلر
حاضردا دونیانین ۱۵ اؤلکهسینده ۲۹ آذربایجان ائوی خیدمت ائتمکدهدیر