تورکیهده بو هفته (11)
تورکییهنین ساغلاملیق توریزمی باشاریسی
"ایمان مستثنی، هئچ بیر شخصه صحتدن داها خیرلی بیر نعمت وئریلممیشدیر"
حضرت محمد(ص)
بیر نئچه عصر گئرییه دؤنوب باخیلدیغیندا، آدلاری دییشسه ده (بیر زامانلار وبا، ورم، سونرا ایدز و سون ایللرده سرطان، اوبزیته) بیر چوخ خستهلیک میلیونلارجا جانا مال اولدو. بعضا یازقی دئییلدی، بعضا پیس بسلنمهیه باغلاندی، چوخونلوفلا ژنتیک فاکتورلارلا آچیقلاندی. طب سفربر اولدو، معالیجهلر چیخاریلدی، قورونما یوللاری آراشدیریلدی و بیر شئی اوزرینده هر کس اوزلاشدی. "اینسان اؤز اؤزونون دکترو اولمالی"یدی.
بو نقطهدن حرکتله اینسان اوغلو، ساغلیقلی حیات قونوسونو گوندهلیک حیاتین بیر پارچاسی حالینا گتیردی. اورتالیق کالوری حسابیندان، کوتله اندکس ساییسی حسابلامالاریندان، رژیم تکلیفلریندن گئچیلمز اولدو.
ساغلیقلی حیات البته پسیکولوژیک فاکتورلار دا احتیوا ائتمکده ایدی. آرتیق یاشام کوچو دئییلن شخصلرین توصیهلرییله آددیم آتیلیردی: "مثبت دوشونون، ذهنی باخیمینیزا لاقید یاناشمایین، یاخشی بیر ائولیلیک ائدین، گئرچک دوستلار الده ائدین، گونون ان آز 15 دقیقهسینی یالنیز اؤزونوزه آییرین، گولومسیین!"
گونوموز اینسانی آرتیق حیاتینی فیزیکی/روحی ساغلیغینی قورویاجاق شکیلده قورغولاییر. ایش ائله بیر حالا گلدی کی، سرحدلر آشیلدی و قیساجا معالیجه مقصدی ایله ائدیلن سیاحتلر دئیه تانیملانیپ ساغلیق توریزمی دئیه آدلاندیریلان سئکتور دوغدو.
تورکیهنین ساغلیق توریزمی سئکتورو، هر ایل 300 مینه یاخین اولوسلارآراسی خستهنی قبول ائدیر. سیراسییلا لیبی، آلمانیا، عراق، آذربایجان، روسیا، اینگیلتره، هلند، رومانی، بولقاریستان و نروژدن گلن بو خستهلر، گؤز خستهلیکلری، اورتوپدی و تراوماتولوژی، ایچ خستهلیکلری، قولاق، بورون، بوغاز، قادین خستهلیکلری، عمومی جراحی و اونکولوژی داللارینی سئچمکدهدیر. استیک عملیاتدان توپ ببهگه، ساچ اکدیرمک، دیش معالیجهسینه قدر اینسان ساغلیغییلا علاقهلی گئنیش بیر ساحهنی احاطه ائدن ساغلیق توریزمینده، تورکیه، هتللری، خستهخانالاری، ایچمهجهلری، ترمال و اسپا ساغلیق کورو مرکزلری ایله خیدمت وئرمکدهدیر.
دونیا توریزمینده اؤنملی بیر پای صاحبی اولان تورکیه، کیفیتلی ساغلیق خیدمتلری، یئتیشمیش اینسان گوجو، رقابتلی قیمت اوستونلوکلری، دؤولت دستگی، جغرافی قونومو و بونون گتیردیگی اویغون ایقلیم شرطلرینه علاوه مشهور تورک قوناقسئورلیگی ایله، ساغلیق توریزمی ساحهسینده ده فعالیتینی آرتیرماقدادیر.
دونیادا طبیعی قایناقلارا دؤنمک، دوغال محصوللارلا قیدالانماق، خستهلیکلری ده طبیعی اصوللارلا یاخشیلاشدیرماق، گوجلنن بیر اییلیمدیر. بیر چوخ خستلیگین معالیجهسی اوچون ده، طبین یانیندا طبیعی قایناقلارا یؤنلیش وار. بئلهجه ساغلیق توریزمینین تورکیهده ان چوخ جاواب تاپان تئرمال قولو جانلانمیشدیر. سون ایللرده چوخ ماراق گؤرن آنتی استرس، ضعیفلمه، سلولوید، آنتی-اجینگ معالیجهلر اوچون، تورکیهنین 46 شهرینده 190 قابلیجا تاسیسی واردیر.
بونون خاریجینده ساچ اکیمی ایله استیک عملیاتلار، گؤز معالیجهلری و توپ ببهک اویقولامالاری، اولوسلارآراسی خستهلرین تورکیهیه گلمه سببلری آراسیندا ایلک 3 سیرانی تشکیل ائدیر. تورکیهده، اورگان نقلی و اویناق-پروتئز عملیاتلاری دا باشاریلی شکیلده گرچکلشدیریلیر.
ایلگیلیلی خبرلر
اورتا آسیا جمهوریتلرینین گوندمیندهکی گلیشمهلر
دونیانین اؤنده گلن اؤلکهلری اورتا آسیا جمهوریتلرینی بیر بوتون اولاراق گؤرمهیه باشلادیلار
آورآسیا جمهوریتلرینین گۆندمیندهکی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیهیه رسمی سفر گئرچکلشدیردی