تورکیه‌ده گؤزله‌نیله‌ن یاشام سوره‌سی حسابلاندی
دوغوشدا گؤزله‌نیله‌ن یاشام سوره‌سی، تورکیه اوچون توپلامدا ۷۷،۵ ایل اولاراق تعیین اولوندو
تورکیه‌ده دوغوشدا گؤزله‌نیله‌ن یاشام سوره‌سی، ۷۷،۵ ایل اولاراق حسابلاندی.
تورکیه استاتیستیک قورومو (تویک)، "حیات تابلولاری، ۲۰۲۰-۲۰۲۲" رقلرینی آچیقلادی.
بونا گؤره، دوغوشدا گؤزله‌نیله‌ن یاشام سوره‌سی، تورکیه اوچون توپلامدا ۷۷،۵ ایل اولاراق تعیین اولوندو.
سؤزو گئدن رقم ۲۰۱۹-۲۰۲۱ دؤنمی اوچون ۷۷،۷ ایل اولاراق حسابلانمیشدی.
دوغوشدا گؤزله‌نیله‌ن یاشام سوره‌سی، کیشیلرده ۷۴،۸، قادینلاردا ۸۰،۳ ایل اولاراق معین اولوندو.
عمومیتله قادینلار کیشیلردن داها اوزون مدت یاشایارکه‌ن، دوغوشدا گؤزله‌نیله‌ن یاشام سوره‌سی فرقی ۵،۵ ایل اولابیلیر.
ایش چاغینین باشلانغیجی اولان ۱۵ یاشینداکی شخصلرین اورتالاما قالان یاشام سوره‌سی ۶۳،۵ ایل اولارکه‌ن، بو مدت کیشیلر اوچون ۶۰،۸ ایل، قادینلار اوچون ۶۶،۲ ایل اولدو.
۳۰ یاشینداکی بیر شخص اوچون اورتالاما ۴۸،۹ ایل اولان قالان یاشام سوره‌سی، کیشیلرده ۴۶،۳ ایل، قادینلاردا ۵۱،۵ ایل اولاراق تعیین اولوندو.
۶۵ یاشیندا اولان بیر شخصین قالان یاشام سوره‌سی ایسه اورتالاما ۱۷،۱ ایل اولاراق قئید ائدیلیرکه‌ن، بو مدت کیشیلرده ۱۵،۳ ایل، قادینلاردا ۱۸،۸ ایل اولور.
ایلگیلی‌لی خبرلر
اسپانیادا تاپیلان آیاققابیلار تخمیناً ۶ مین ایللیک چیخدی
بیر ماغارادا ۱۹.جو عصرده تاپیلان صندللرین، آوروپانین ان اسکی آیاققابیلاری اولدوغو معین اولوندو
