تورکیه‌یه ان چوخ قوناق قونشولاریندان گلدی
تورکیه‌یه ژانویه و فوریه آییندا ان چوخ توریست گؤندره‌ن اؤلکه، ۴۳۷ مین ۹۰۵ نفر ایله ایران اولدو
تورکیه‌یه بو ایلین ایلک ایکی آییندا ۴ میلیون ۳۴۱ مین ۶۰۶ توریسن گزرکن، ان چوخ قوناق ایران، روسیا و بولقاریستاندان گلدی.
کۆلتور و توریزم باخانلیغینین توریزم رقملریندن ییغیلان بیلگیلره گؤره، تورکیه‌یه ۲۰۲۳ده گلن خاریج قوناق ساییسی ۵۶ میلیون ۶۹۳ مین ۸۳۷ اولدو.
بو قوناقلارین ۴۹ میلیون ۲۰۹ مین ۱۸۰ی خاریجی، ۷ میلیون ۴۸۴ مین ۶۵۷سی "خاریجده ایقامت ائدن وطنداش" قوناقلاردان میدانا گلدی.
سرحد-گیریش چیخیش آمارینا گؤره، تورکیه ژانویه ۲۰۲۴ده ۲ میلیون ۴۷ مین ۲۷، فوریه آییندا ۲ میلیون ۲۹۴ مین ۵۷۹ خاریجی قوناق آغیرلادی.
گئچه‌ن ایلین عینی دؤنمینده ۳ میلیون ۸۷۶ مین ۳۸۱ خاریجی قوناق تورکیه‌یه گلدی.
بو بیلگیلره گؤره، بو ایلین ژانویه-فوریه دؤنمینده تورکیه‌یه گلن خاریجی قوناق ساییسی گئچه‌ن ایلین عینی دؤنمینه گؤره یوزده ۱۲ آرتاراق، ۴ میلیون ۳۴۱ مین ۶۰۶ اولدو.
۲۰۲۳ده و ۲۰۲۴ون ایلک ۲ آییندا، تورکیه‌یه گلن توریست ساییسی توپلام ۶۱ میلیون ۳۵ مین ۴۴۳ اولاراق معین ائدیلدی.
تورکیه‌یه ژانویه و فوریه آییندا ان چوخ توریست گؤندره‌ن اؤلکه، ۴۳۷ مین ۹۰۵ نفر ایله ایران اولدو.
ایرانی ۴۳۳ مین ۶۵۴ نفر ایله روسیا، ۳۴۵ مین ۳۰۱ نفر ایله بولقاریستان ایزله‌دی.
بولقاریستانی سیراسییلا آلمانیا و گورجوستان ایزله‌دی.
