تورکیه‌یه گلن توریست ساییسندا آرتیش
ایلک ۴ آیدا تورکیه‌یه ان چوخ توریست گؤندره‌ن اؤلکه‌لر سیرالاماسیندا روسیا ایلک سیرادا یئر آلدی
1991354
تورکیه، ۲۰۲۳ون ایلک ۴ آییندا ۱۱ میلیون ۹۳ مین ۲۴۷ قوناق آغیرلادی.
خاریجی قوناق ساییسی، گئچه‌ن ایلین عینی دؤورونه نیسبتله یوزده ۲۷،۵۱ آرتاراق، ۹ میلیون ۵۳۳ مین ۹۳۳ اولدو.
۲۰۲۳ون ایلک ۴ آییندا تورکیه‌یه ان چوخ توریست گؤندره‌ن اؤلکه‌لر سیرالاماسیندا روسیا ایلک سیرادا یئر آلدی.
روسیادان گلن توریست ساییسی، گئچه‌ن ایلین عینی دؤورونه گؤره یوزده ۱۳۴ آرتاراق، ۱ میلیون ۱۵۳ مین اولدو.
روسیانی ۹۶۶ مین توریست ایله آلمانیا ایزله‌دی. ۷۹۷ مین ۹۵۶ توریستله ده بولقاریستان اوچونجو سیرادا یئر آلدی.
بولقاریستانی ایران و اینگیلتره ایزله‌دی.
تورکیه یالنیز آوریل آییندا، بیر اؤنجه‌کی ایلین عینی آیینا گؤره یوزده ۲۹ آرتیش ایله ۳ میلیون ۳۲۱ مین ۸۲۴ خاریجی قوناق آغیرلادی.
