ایکی مین ایللیک یاشاییش یئری تاپیلدی
مصرده اقصر تاپیناغینا بیتیشیک بیر ساحه‌ده میلاددان اؤنجه ۳۰ میلاددان سونرا ۳۹۵ ایللرینه عاید، روما دؤنمیندن قالما ایلک یئرله‌شیم شهرینین اورتایا چیخاریلدیغی ایفاده ائدیلدی
مصرین گونئیینده‌کی اقصر/لوکسور شهرینده، روما دؤنمیندن قالما تخمیناً ایکی مین ایللیک یاشاییش یئری تاپیلدی.
توریزم و تاریخی اثرلر باخانلیغیندان وئریله‌ن یازیلی آچیقلامادا، شهرین دوغو یاخاسینداکی اقصر تاپیناغینا بیتیشیک بیر ساحه‌ده میلاددان اؤنجه ۳۰ میلاددان سونرا ۳۹۵ ایللرینه عاید، روما دؤنمیندن قالما ایلک یئرله‌شیم شهرینین اورتایا چیخاریلدیغی ایفاده ائدیلدی.
تبس/تبای آنتیک شهرینین بیر اوزانتیسی اولدوغو بیلدیریلن ساحه‌نین، اقصر والیلیگینین دوغو ساحلین‌ده‌کی "ان اؤنملی و ان اسکی یاشاییش یئریی" اولدوغو قید ائدیلدی.
حاضردا اقصر شهری اولاراق تانینان تبس شهری، آنتیک مصرین ان اؤنملی شهرلریندن بیری قبول ائدیلیر.
آنتیک تبس و مزارلاری ۱۹۷۹-جو ایلده بیرلشمیش میللتلر تشکیلاتینین تحصیل، بیلیم و مدنیت هؤرگوتو یونسکو طرفیندن دونیا میراث لیستینه علاوه ائدیلمیشدی.
