اردوغان: تورکیه، بوتون گؤزللیکلری اؤزونده توپلامیش بیر خزانه‌یه صاحب
"مقصدیمیز، اؤلکه‌میزی یئنی‌دن شکیلله‌نن کۆره‌سل، سیاسی و اقتصادی معمارینین مرکزینه یئرلشدیرمکله ایمکانلارین الیمیزدن چیخماسینا مانع اولماقدیر"
جمهورباشقانی رجب طیب اردوغان، تورکیه‌نی یئنی‌دن شکیلله‌نن کۆره‌سل، سیاسی و اقتصادی معمارینین مرکزینه یئرلشدیرمه‌یی هدفلدیکلرینی سؤیله‌دی.
اردوغان باشکند آنکارادا تورکیه هتل‌چیلر فدراسیونو ۷.جی باش قورولوندا دانیشدی.
تورکیه‌نین، دونیانین بوتون گؤزل‌لیکلرینی اؤزونده توپلامیش بیر خزانه‌یه صاحب اولدوغونو، بیر چوخ شهرین اؤزلویونده توریزم دگری داشیدیغینی بیلدیرن اردوغان،
"توریزم‌ده آرتیق شاگیردلیک دؤنمیمیزی باشا ووردوق، اوستالیق دؤنمینده‌ییک" دئدی.
اردوغان،
"کۆره‌سل سالقین دؤورونده قیسا بیر آرا وئرمیش آلساق دا هم توریست ساییسی هم ده توریزم گلیرلری باخیمیندان اؤلکه‌میزین ذیروه نقطه‌سینی بیرلیکده یاشاییریق. تورکیه‌نین ۲۰۲۱ده توریست ساییسیندا دونیادا دؤردونجو، توریزم گلیرین‌ده ایسه سککیزینجی سیرایا یوکسلمه‌سی بو ایل چوخ داها یاخشی بیر یئره گله‌جگیمیزین خبرچی‌سی‌دیر. مقصدیمیز، اؤلکه‌میزی یئنی‌دن شکیلله‌نن کۆره‌سل، سیاسی و اقتصادی معمارینین مرکزینه یئرلشدیرمکله ایمکانلارین الیمیزدن چیخماسینا مانع اولماقدیر" ایفاده‌لرینی ایشلتدی.
