آنتالیایا گلن توریست ساییسیندا رکورد آرتیش وار
دنیزی، قومو، گونشی، قدیم شهرلری، تاریخی یاپیلاری، طبیعی گؤزللیکلری و ساغلیق توریزمی ایله آنتالیایا قیش مؤوسومونده ده موختلیف اؤلکهلردن گلنلرین ساییسی آرتاراق داوام ائدیر
آنتالیا مدنیت و توریزم ایدارهسینین راپورونا گؤره ۱ ژانویهدن ۱۵- نوامبرا دک هاوا یولو ایله آنتالیایا گلن توریستلرین ساییسی ۱۳ میلیون ۳ مین ۲۶۳ نفره چاتدی.
دنیزی، قومو، گونشی، قدیم شهرلری، تاریخی یاپیلاری، طبیعی گؤزللیکلری و ساغلیق توریزمی ایله گوونلی و کیفیتلی خدمتلر سوناراق هر یاش قروپوندان توریستلری جلب ائدن آنتالیایا قیش مؤوسومونده ده موختلیف اؤلکهلردن گلنلرین ساییسی آرتاراق داوام ائدیر.
کیفیت و قیمت تعادلو ایله دونیانین ان یاخشی توریزم مرکزلریندن اولان آنتالیادا ۶۳۵ مین یاتاقلیق توتوما صاحیب ۲ مین ۵۷۵ تاسیس، موختلیف اؤلکهلردن گلن توریستلره خیدمت وئریر.
آنتالیایا ان چوخ توریست گؤندرهن اؤلکهلر، ۲ میلیون ۸۲۶ مین نفرله روسیا، ۲ میلیون ۶۷۰ مین نفرله آلمانیا، ۱ میلیون ۸۸ مین نفرله اینگیلتره، ۷۴۴ مین ۷۸ نفرله لهستان و ۴۳۴ مین ۲۲۴ توریست ایله هلند اولدو.