نمرود داغینا توریست آخینی
یونسکو دونیا میراث لیستینه گیرن نمرود داغی، هفته سونو ۱۰۰۰ نفری آغیرلادی
آدی‌یامانین کاهتا ائلچه‌سینده، "گونشین دوغوشونون و باتیشینین ان گؤزل گؤرولدوگو یئر" اولاراق بیلینن بیرلشمیش میللتلر تحصیل، بیلیم و مدنیت هؤرگوتونون (یونسکو) دونیا میراث لیستینه گیرن نمرود داغی، هفته سونو ۱۰۰۰ نفری آغیرلادی.
کوماگنه کراللیغینا (میلاددان اؤنجه ۱۶۳ – میلاددان سونرا ۷۲) عاید ۵۰ متر یوکسکلیگینده، ۱۵۰ متر قطرونداکی تومولوس و بؤیوک هیکللرین اولدوغو، ۲ مین ۱۵۰ متر یوکسکلیگینده‌کی نمرود داغی تاریخی ساحه‌سی، گونشین دوغوشو و باتیشینی ایزله‌مک ایسته‌یه‌نلرین ایلگیسینی چکیر.
آدی‌یامان موزه مودورو محمد آلکان، بو ایل نمروت داغینا چوخ ساییدا توریستین گلدیگینی بیلدیردی.
نمرودون بو هفته سونو دا بؤیوک ماراق گؤردوگونو دئین آلکان،
"نمرود داغینداکی تومولوسون ایچینده کرال آنتیوخوسون مزارینین اولدوغو وراساییلماقدادیر. بورایا گلن قوناقلار اؤزللیکله گونشین دوغوشو، باتیشی و بؤیوک هیکللره حیران قالیرلار. هفته سونو ۱۰۰۰ نفر نمرود داغینا گلدی. بعضی قوناقلار بورادا موزیک چالاراق گونشین دوغوشو و باتیشینی ایزله‌دی. سالقیندان سونرا جدی بیر توریست قالابالیغی یاشاییریق" ایفاده‌لرینی ایشلتدی.
