جامالا تورکیه‌یه گلدی
"تورکیه، عصرلردیر اولدوغو کیمی بو مدتده ده هئچ بیر قارشیلیق گؤزله‌مه‌دن اینسانی مسئولیتی و وجدانی سببی ایله قاپیلارینی سونونا قدر آچدی"
یوروویزیون ۲۰۱۶ بیرینجی‌سی قیریم‌لی تاتار صنعتچی جامالا، اوکرایناداکی روس سالدیریلاری سببی ایله، ۲ اوشاغییلا تورکیه‌یه گلدی.
ایستانبول‌دا مطبوعات کنفرانسی تشکیل ائد‌ن جامالا، روسیا-اوکراینا ساواشینا باغلی وئردیگی آچیقلامادا،
"اوکراینادا سوچسوز وطنداشلار گونلردیر بومبالانیر. کیئوده اوکراینانین بؤیوک بیر بؤلومونده قادینلار، اوشاقلار، یاشلیلار و وطنداشلار حیاتدا قالماغا چالیشیر" دئدی.
تورکیه‌یه، تورک خالقینا و جمهورباشقانی رجب طیب اردوغانا، وئردیکلری قارشیلیقسیز دستک اوچون اوکراینا خالقی آدینا تشکر ائتدیگینی بیلدیرن صنعتچی، "تورکیه، عصرلردیر اولدوغو کیمی بو مدتده ده هئچ بیر قارشیلیق گؤزله‌مه‌دن اینسانی مسئولیتی و وجدانی سببی ایله قاپیلارینی سونونا قدر آچدی" ایفاده‌سینی ایشلتدی.
گنج صنعتچی، ۲ اوشاغییلا تورکیه‌یه گلنه قدر یاشادیغی چتینلیکلره توخوناراق،
"تورکیه‌یه سیغینمای اولاراق گله‌جگیم هئچ عاغلیما گلمزدی" دئیه دانیشدی.
کیئوده ۲۴ فوریه سحری بومبا سسلریله اویاندیقلارینی دیله گتیره‌ن جامالا، قیریم تاتاری اولان بؤیوک آناسینین، دیگر قیریم تاتارلاری کیمی، ۱۹۴۴ده اؤلکه‌لرین‌دن آیریلماق مجبوریتینده قالدیغینی وورغولایاراق، اؤزونون ده عینی شکیلده اؤلکه‌سیندن آیریلماق مجبوریتینده قالاجاغینی هئچ بیر زامان دوشونمه‌دیگینه ایشاره ائتدی.
ساواشین بیتمه‌سی لازیم اولدوغونو سؤزلرینه علاوه ائد‌ن صنعتچی،
"حیات یولداشیم اوکراینادا قالدی و من بورا، دونیایا تکرار سسیمی ائشیتدیرمک اوچون گلدیم. چونکو بو ساواش بیتمه‌لی و هر کس بو ساواشا یوخ دئمه‌لی" دئیه دانیشدی.
