یئنه تورکیه‌نی سئچدی‌لر

یئنی نسیل کوروناویروس (کووید-۱۹) سالقینی دؤنمینده گوونلی و ساغلیقلی تعطیل امکانی سونان تورکیه، اوکراینالی توریستلرین ایلک ترجیحی اولدو.
سالقین دؤنمینده۷۵۰ مین نفرین یورد دیشینا تعطیله چیخدیغی اوکراینادا، تورکیه‌ بو اؤلکه وطنداشلارینین ایلک سئچیمی اولدو.
۲۰۱۹دا ۲،۵ میلیون اینسانین یورد دیشینا تعطیله گئتدیگی اوکراینادا، گئچه‌ن ایل ۷۵۰ مین نفر توریستیک آماجلی سیاحت ائتدی.
سالقین دؤنمینده سیاحت ائدن۷۵۰ مین نفرین ۵۶۰ مینی تورکیه‌یه گلدی، بو توریستلرین هارداسا هامیسی تعطیل اوچون آنتالیانی سئچدی. گوونلی توریزم پروگرامی معیارلارینا اویغون اولاراق گوونلی و ساغلیقلی تعطیل خیدمتلری سونا‌ن شهر، اوکراینالیلار اوچون وازگئچیلمز بیر تعطیل مرکزینه چئوریلدی.
اوکراینالیلارین ۲۰۲۱ اوچون ده رزرواسیونلارا باشلادیغی بیلدیریلیر.