تورک سریال‌لاری ایران‌لی‌لارین اوخاتما صنعتینه ماراغینی آرتیردی
تورکیه-ده سون ایللر چکیلن تاریخی سریال‌لار و بورا‌لاردا ایستیفاده ائدیلن سنتی دؤیوش آلت‌لری ایراندا سنتی تورک اوخاتماسینا اولان ماراغی آرتیردی.
تورکیه-ده سون ایللر چکیلن تاریخی سریال‌لار و بورا‌لاردا ایستیفاده ائدیلن سنتی دؤیوش آلت‌لری ایراندا سنتی تورک اوخاتماسینا اولان ماراغی آرتیردی.
تهران یونوس امره انستیتوسونون مودیر وکیلی جم سئویندیک ایران‌لی‌لارین اننوی تورک اوخاتما ایدمان نؤعونو داها اطراف‌لی اؤیرنمه‌سی اوچون آچیلان کورس‌لارا رغبت گؤستردیک‌لرینی سؤیله‌دی.
تورکیه-ده کی مشهور تاریخی سریال‌لارین ایران-دا اننوی اوخاتما ایدمان نؤعونه ماراغی آرتیردیغینی قئید ائدن سئویندیک: "خصوصیله، سون دؤورده مشهور اولان تورک سئریال‌لاریندا دؤیوشچولریمیزین و آتیجی‌لاریمیزین اوغورو چوخ تأثیرلی اولوب. بون‌لاری ایزله‌ین ایران‌لی‌لار اننوی اوخاتمانی اؤیرنمک اوچون کورس‌لارا گئدیرلر" دئدی.
یونوس امره انستیتوسو و تورکیه اوخاتان‌لار وقفی‌نین امکداش‌لیغی ایله کمانکش (اوخاتان) لاییحه‌سی چرچیوه‌سینده اننوی تورک اوخاتما ایدمان نؤعونون دونیادا 16 اؤلکه‌ده تانیدیلماغا باشلاندیغینی بیلدیرن سئویندیک 2018-جی ایلین فوریه آییندا آچیلان کورس‌لارا 55 ایرانلی‌نین قاتیلدیغینی بیلدیردی.
سئویندیک 16 اؤلکه‌دن مراجعت ائدن‌لر آراسیندا اوغورلو اولان‌لارین تورکییه‌یه گلیب اوخاتان‌لار وقفی‌نین وئردیگی تلیمده ایشتیراک ائتمه‌یه حاق قازاندیق‌لارینی و اؤلکه‌لرینه قاییدا‌راق اننوی تورک اوخاتما صنعتینی تانیتدیق‌لارینی قئید ائتدی.
