هدف ۵۰ میلیون توریست
۲۰۱۸.جی ایلده ۱۱ آیلیق دؤورونده تورکیهیه ۳۷،۵ میلیوندان چوخ خاریجی قوناق گلدی
تورکیه، ۲۰۱۸.جی ایلی، توریزم سئکتورونو باشاریلا تاماملادی.
۲۰۱۸ توریزم مؤوسومو باشاریلی باشلایینجا مدنیت و توریزم باخانلیغی، توریزم هدفینی ایل ایچینده ایکی دفعه گؤزدن گئچیردی.
تعیین اولونان سون هدف، ۴۰ میلیون خاریجی قوناق ساییسی.
ایل بولونجا توریزم سئکتورو بو هدفه چاتماق اوچون چالیشدی.
مدنیت و توریزم باخانلیغینین سون وئریلرینه گؤره ۲۰۱۸.جی ایلده ۱۱ آیلیق دؤورونده اؤنجهکی ایلین عینی دؤورونه گؤره یوزده ۲۲ آرتیشلا تورکیهیه ۳۷،۵ میلیوندان چوخ خاریجی قوناق گلدی.
۲۰۱۸.جی ایلده ژانویه-نوامبر دؤورونده بیر اؤنجهکی ایلین عینی دؤورونه گؤره آوروپاداکی اساس بازارلاردان آلمانیادان گلن توریست یوزده ۲۵،۵۶ (۴ میلیون ۳۳۴ مین ۶۷ نفر)، اینگیلترهدن گلن توریست یوزده ۳۶،۴۵ (۲ میلیون ۲۱۲ مین ۴۰ نفر)، هلنددن گلن توریست یوزده ۲۷،۳۰ (۹۸۰ مین ۵۵۵) و فرانسادان گلن توریست یوزده ۲۶،۷۵ (۶۹۱ مین ۶۷۱) نیسبتینده آرتدی.
روسیادان گلن توریست ساییسی یوزده ۲۶،۲۲ آرتاراق ۵،۸ میلیونو آشدی.
۲۰۱۹دا اؤزللیکله اینگیلتره بازاریندا ان آز یوزده ۲۵ یوکسلیش گؤزلنیلیر. سون ایللرده ایران، یونانیستان، بولقاریستان، اوکراینا، چین، گونئی کره، هیندیستان و ژاپندان گلن توریست ساییلاریندا دا بؤیوک آرتیشلار یاشانیر.