۸ مومیا تاپیلدی
گون اوزونه چیخاران مزارلارین ایچین‌ده ۸ مومیا وار
1096352
مصرین جیزه شهرین‌ده آپاریلان آرکئولوژیک قازینتیلاردا ۳ مین ایل اؤنجه‌سینه عاید ۸ مومیا تاپیلدی.
مصر تاریخی اثرلر باخانلیغیندان وئریلن آچیقلامادا، جیزه شهرین‌ده‌کی دهشوردا، اسکی مصرده ۱۲.جی خاندانلیق فرعونلاریندان نوبکوره آمنمهات ۲یه (میلاددان اول ۱۹۲۹-۱۸۹۵) عاید هرمین گونئی دوغوسوندا آپاریلان آرکئولوژیک قازینتیلاردا بیر سیرا داشدان مزار تاپیلدیغی بیلدیریلدی.
تاریخی اثرلر یوکسک قورولو کاتیبی مصطفی وزیری ایسه وئردیگی آچیقلامادا، بؤلگه‌ده آگوست آییندا باشلایان قازینتیلار نتیجه‌سین‌ده گون اوزونه چیخاران مزارلارین ایچین‌ده ۸ مومیا اولدوغونو دئدی.
میلاددان اؤنجه ۱۰۸۵-۳۳۲ ایللرینه عاید اولدوغو تخمین ائدیله‌ن مومیالاردان ۳ونون یاخشی وضعیت‌ده اولدوغونو ایفاده ائد‌ن وزیری، مسئله ایله باغلی داها چوخ معلومات بوئرمه‌دی.
