تورکجهدن ۳ مین ۵۰۰ سؤز گئچمیشدیر
"قونشو اؤلکهلر آراسیندا هر زامان دیل ایلیشکیلری میدانا گلمیشدیر"
![تورکجهدن ۳ مین ۵۰۰ سؤز گئچمیشدیر](http://cdn.trt.net.tr/images/xlarge/rectangle/d15d/c8c9/f76e/5bdaeeda31657.jpg?time=1719350155)
بولقاریستان پلوودیو اونیورسیتهسی اؤیرتیم اویهسی مریم سالیم، تورکجهدن بولقارجایا دانیشیق دیلینده ۳ مین ۵۰۰ سؤز گئچدیگینی بیلدیردی.
قیرخلارائلی اونیورسیتهسی طرفیندن فن ادبیات فاکولته تورکولوژی چالیشمالاریندا یئنی آختاریشلار چالیشتایینا قاتیلان سالیم، خارجی سؤزلرین دیللره معنا و زنگینلیک قاتدیغینی ایفاده ائدرک، دیللرین باشقا دیللردن سؤز آلماسینین اولدوقجا نورمال اولدوغونو سؤیلهدی.
تاریخ باخیمیندان دیللر آراسی ایلیشکیلرین اؤنملی اولدوغونا دا توخونان سالیم،
"قونشو اؤلکهلر آراسیندا هر زامان دیل ایلیشکیلری میدانا گلمیشدیر. تورکجهدن بولقارجایا ۳ مین ۵۰۰ سؤز گئچمیشدیر. بونلار ادبی دیلده دئییل، دانیشیق دیلیندهدیر. معلوم اولدوغو کیمی، عثمانلیلارین بالکان جغرافیاسیندا سیاسی و حربی صلاحیتی ایله بیرلیکده تورک مدنیتی ایله بالکان توپلوملارینداکی قارشیلیقلی تأثیر ده باشلامیشدیر. عثمانلیلارین بؤلگهنی فتحی ایله یاناشی بالکان توپلولوقلارینین قورولوشوندا بؤیوک دییشیکلیکلر میدانا گلمیشدیر. بونلاردان بیری ده دیلدیر. مینلرجه تورکجه سؤز بالکان دیللرینه ده گئچمیشدیر. بو بالکان دیللری آراسیندا بولغارجا دا وار. دئیه دانیشدی.
تورکجهده ده بولقار سؤزلرین اولدوغونو خاطیرلادان سالیم، تورک و بولغار دیللرینین اؤنملی اولدوغونو بیلدیردی.