"دیریلیش ارتوغرول" ونزوئلا تاماشاچی‌لاری ایله گؤروشدو

تورکیه رادیو تلویزیون قورومو ت.ر.ت-نین 70-ا یاخین اؤلکه‌ده ایزلنیلن سئریا‌لی "دیریلیش ارتوغرول" ونزوئلا تاماشاچی‌لاری ایله ده گؤروشدو.

سئریال بو هفته اؤلکه‌نین رسمی تلویزیونو TVES-ده یاییملانماغا باشلادی.

اؤلکه مطبوعاتیندا دا سئریال‌دان بحث ائدن خبرلر درج اولوندو.

"ال اونیورسال" قزئتی‌نین اینترنت سایتی خبری اوخوجولارینا " TVES موباریزه‌نین، حرصین و عشقین حکایه‌سی اولان ارتوغرولو یاییملاییر" باش‌لیغی ایله چاتدلردی.

خبرده "دیریلیش ارتوغرول"ون آلدیغی بیر چوخ موکافاتا دقت چکیلیر، لیدرلیگی ایله دونیا تاریخینه تأثیر ائدن ارتوغرول غازی‌نین حیاتی‌نین سئریالین موضوعسو اولدوغو قئید ائدیلیر.

خبرده "دیریلیش ارتوغرول"اون تهلوکه، اینتریقا و اؤلومله یاناشی، فداکارلیق، جسارت و چتین بیر عشق حکایه‌سی ایله ونزوئلا خالقی‌نین قلبینی فتح ائتمک ایسته دیگی ایفاده ائدیلیر.

قئید ائدک کی، ونزوئلا-نین جمهور باشقانی نیکولاس مادورو ژوئیه آییندا حیرانی اولدوغو "دیریلیش ارتوغرول"ون ایستانبول بی کوزداکی چکیلیش‌لرینی ایزلمیشدی.

مادورونون سئریالا اولان حیران ‌لیغی تورکیه‌نین خاریجی ایشلر ناظیری مؤلود چاووش اوغلونون سپتامبر آییندا بو اؤلکه‌یه ائتدیگی سفرده ده گوندمه گلمیشدی.

چاووشوغلونو پایتاخت کاراکاس‌داکی پرزیدنت سارایی میرافلورس-ده قبول ائدن مادورو سئریا‌لی‌نین اؤلکه‌سینده یاییملانماسی اوچون تشببوس گؤسترجگینی سؤیلمیشدی.