هیندیستان‌دان تورکیه‌یه توی چیخارماسی
تورکیه‌ده سرعتله اینکیشاف ائدن توی توریزمینی جانلان‌دیرماق مقصدیله ایستانبولدا باشلاییب آنتالیایا اوزانا‌جاق گئنیش اولوسلار آراسی (آتلیه چالیشماسی) تدبیرینه ایمضا آتیلا‌جاق
هیندیستان‌دان تورکیه‌یه توی چیخارماسی
تورکیه‌ده سرعتله اینکیشاف ائدن توی توریزمینی جانلان‌دیرماق مقصدیله ایستانبولدا باشلاییب آنتالیایا اوزانا‌جاق گئنیش اولوسلار آراسی workshop (آتولیه چالیشماسی) تدبیرینه ایمضا آتیلا‌جاق.
تورکیه سیاحت آژانس‌لاری بیرلیگینه (تورساب) باغلی اولان TravelShopTurkey&Murtis Tour طرفین‌دن "Luxury Mice Workshop" آدی ایله 18-21 نوامبردا کئچیریله‌جک تدبیرده توی توریزمی‌نین آپاریجی فیرما‌لاری، تورکیه‌دکی دینلییجی‌لری " B2B " اولا‌راق آنیلان بیر-بیر گؤروشمه‌لری حیاتا کئچیرمک ایمکانی توتا‌جاق.
بو آنا قدر دونیانین دؤرد بیر یانین‌دان 20 اؤلکه‌نین قئیدیاتا آلیندیغی تدبیرده تورکیه‌نین توریزمده یئنی هدف بازارلاریندان بیری کیمی بلیرلنن هیندیستانین اؤنده گلن توی پلانلاماجی-لاری دا یئر آلا‌جاق.
تدبیرله پرزیدنتی رجب طیب اردوغانین اؤتن ایل هیندیستان سفرینده چاغیریشی سونراسی حرکتلنن هیندلی توی بازارینا تورکیه اوچون یئنی بیر تکان وئریلمه‌سی مقصدی گودولور.
بو آنا قدر 20 اؤلکه قطعی قئیدیاتا آلیندی، آنجاق ساییسی‌نین آرتماسی گؤزلنیلیر.
تدبیرده هیندیستانین یانیندا آمریکا، اینگیلتره، آلمانیا، ایتالیا، فرانسا، ایسپانیا، ایران، الجزایر، بلاروس، نیجریه، سعودیه عربیستانی، کورواسی، اوردون و کنیا کیمی اؤلکه‌لر ده یئر آلا‌جاق.
هدف، 2020ده 1 میلیون هیندلی توریستین تورکیه‌یه گلمه‌سینی تامین ائتمک.
