روسیا-دا تورکیه فستیوا‌لی کئچیریله‌جک
روسیانین پایتاختی مسکودا ایکینجی دفعه کئچیریله‌جک تورکیه فستیوالینا آز قالدی.
روسیانین پایتاختی مسکودا ایکینجی دفعه کئچیریله‌جک تورکیه فستیوالینا آز قالدی.
اؤتن ایل تورکیه فستیوا‌لی 153 مین اینسان قبول ائتمیشدی، بو ایل بو سایین رکورد الده ائتمه‌سی گؤزلنیلیر.
تورکییه مدنیت و توریزم ناظیرلیگی‌نین دستکی، تورکیه هتل چیلر فدراسیونونون (TÜROFED) کووردیناسیاسیونوندا والی‌لیک‌لر، بلدیه صدرلری، اینکیشاف آژانس لاری و اؤزل سئکتورون ایشتیراکی ایله تشکیل ائدیلن تورکیه فستیوا‌لی 10-12 آوقوست 2018-جی ایل تاریخ‌لرینده تشکیل اولونا‌جاق.
فستیوال مسکووانین "کراسنایا پرسنیا" پارکیندا کئچیریله‌جک.
کونسرت، تاماشا، تورک مطبخی و مدنی تقدیمات‌لارین اولاجاغی تورکیه فستیوا‌لی اوچ گون بویونجا روسیا‌لی‌لارا آچیق اولا‌جاق.
تورکیه هتل چیلر فدراسیونونون ایداره هئیتی‌نین صدری عثمان آییک تورکیه‌نین ایکی اساس بازاریندان بیری اولان روسیا فدراسیونوندا کئچیریله‌جک تورکیه فستیوا‌لی‌نین توریزم اهمیت‌لی اولدوغونو قئید ائتدی.
آییک: " کئچن ایل فستیوال چرچیوه‌سینده 200 عائله‌یه تورکیه‌ده تعطیل هدیه ائتدیک. همچنین فستیوالین تقدیمات ایشی ایله (رکلام، PR و سوسیال مدیا) میلیون‌لارلا اینسانا چاتدیق. فستیوالیمیزی 200-دن چوخ مطبوعات نوماینده سی و بلوگر تعقیب ائتدی. بو ایل کئچیرجییمیز فستیوال گله‌جک ایللرده تورکیه‌نین روسیا فدراسیونونداکی گوجونو داها دا آرتیرا‌جاق‌دیر" دئدی.
