بیسیکلت ایله دونیا سفری
"تورک خالقی هر گؤروشه آچیق، صمیمی، قوناق سئور و گولر اوزلو"
بیسیکلت ایله دونیا سفرینه چیخان و تورکیه‌یه گلن ایکی آلمانیالی، تورک اینسانینی چوخ سئودی.
آلمانیانین مونیخ شهرین‌دن بیسیکلت ایله سنگاپورا گئدن ایکی آلمان وطنداشی، کاستامونو خان‌اؤنو ائلچه‌سینه قوناق اولدو.
آلمانیادا بیر هتل‌ده چالیشان ۳۴ یاش‌لی مارسل موس ایله دایه‌لیک ائد‌ن قیز یولداشی ۲۳ یاش‌لی کریستینا ویلدن، تخمیناً ۴ آی اول بیسیکلت ایله دونیا تورونا چیخدی.
کاستامونو خان‌اؤنونده دوران ایکی‌لی، بلدییه پارکین‌دا چادیر قوراراق گئجه‌نی بورادا گئچیردی.
موس، دوستو ایله مختلیف اؤلکه‌لری گؤرمک و بو اؤلکه‌لرین اینسانلارینی یاخین‌دان تانیماق مقصدیله سنگاپورا قدر اولان دونیا سفرینه چیخدیغینی سؤیله‌دی.
اتریش، اسلوونی، بوسنی، مقدونیه و یونانیستان کیمی اؤلکه‌لری گئچه‌رک تورکیه‌یه چاتدیقلارینی بیلدیره‌ن موس، بورا قدر ۴ مین ۵۰۰ کیلومتر پئدال چئویردیکلرینی دئدی.
تورکیه‌ده ساحل یولونو تعقیب ائد‌رک گورجوستان، آذربایجان، ایران، تورکمنیستان، تاجیکیستان و چین اوزرین‌دن سنگاپورا گئده‌جکلرینی بیلدیره‌ن موس، توپلامدا ۱۸ مین کیلومتر یول گئده‌جکلرینی قید ائتدی.
ویلدن ایسه بیر چوخ اؤلکه‌دن گئچدیکلرینی، بیر چوخ اینسانلا قارشیلاشدیغینی دیله گتیره‌رک،
"تورک خالقی هر گؤروشه آچیق، صمیمی، قوناق سئور و گولر اوزلو" دئدی.
موسس و ویلدن، داها سونرا سینوپا دوغرو یولا چیخدی.
