دونیا سنین دونیا منیم دونیا هئچ کیمین – ممد آراز

بیر طالعیین اویونوندا جوتلنمیش زریک

یوز ایل قوشا آتیلساق دا قوشا دوشمریک

بیر ذره‌نین ایشیغینا میلیون‌لار شریک

دونیا سنین

دونیا منیم

دونیا هئچ کیمین

چئوره‌سیندن چیخسا اگر سئودا فیرفیران

بیر اومودون اتییندن توتوب دا فیرلان

ائشیدرسن: پیچیلداییر ییخیلان، دوران

دونیا سنین

دونیا منیم

دونیا هئچ کیمین

بو گئت گللر بازارینا دوه‌دی دونیا

بو عؤمور گون ناخیشیندا هه‌وه‌دی دونیا

ابدیا قه قه چئکر ابدی دونیا

دونیا سنین

دونیا منیم

دونیا هئچ کیمین

آیاق ساخلا، دؤوره‌نه باخ اؤتری بئله

مین ایللردیر آراز بئله، هَکری بئله

آخشام‌لارین، شهرلرین تکری بئله

دونیا سنین

دونیا منیم

دونیا هئچ کیمین

گولونجلره گولونج گلن بو آدا گولدوم

یۆیَنینه هر ال یئتن بو آتا گولدوم

من اؤزومله اوینادیغیم شاهماتا گولدوم

دونیا سنین

دونیا منیم

دونیا هئچ کیمین ...