ایستانبولداکی چاملیجا بورجونو ۱ میلیون ۸۰۰ مین نفر گزدی

رنگلی فعالیتلری، تکنیک اؤزللیکلری و معماریسی ایله چاملیجا بورجو، ایستانبولون یئنی سیمگه‌لریندن بیری اولما یولوندا ایرلیله‌ییر

2146135
ایستانبولداکی چاملیجا بورجونو ۱ میلیون ۸۰۰ مین نفر گزدی

ایستانبولداکی چاملیجا بورجونو ۳ ایلده ۱ میلیون ۸۰۰ مین نفر گزدی.

۲۹ می ۲۰۲۱ده جمهورباشقانی رجب طیب اردوغان طرفیندن آچیلان چاملیجا بورجو، دونیادا ۱۰۰ اف‌ام رادیو نیایینینین عینی نقطه‌دن ائدیله‌بیلدیگی تک یئردیر.

۳۶۹ متر اوزونلوغو و دنیز سویه‌سیندن ۵۸۷ متر یوکسکلیگی ایله آوروپانین ان یوکسک بورجو اولان چاملیجا بورجو، ایستانبولون سیلوئتینی، تاریخی سیمگه‌لرینی و طبیعی گؤزللیکلرینی پانورامیک منظره‌لرله سونور.

اینتراکتیو ساحه‌لر و سوندوغو پانورامیک ایستانبول منظره‌سی ایله توریستلرین ده بؤیوک ماراق گؤستردیگی بورجدا قوناقلارین اورتالاما گزینتی مدتلری ۱-۱،۵ ساعتا چاتدی.

بورجون فرقلی بؤلوملرینده، اؤزل گونلر ده داخیل اولماق اوزره بیر چوخ فعالیت تشکیل ائدیلیر.

ان گلیشمیش اینسانسی روباتلاردان اولان سوفیانین، گئچه‌ن آیلاردا بورجدا رادیودان جانلی یایین ائتمه‌سی ایله بیر ایلک یاشاندی.

آیریجا ایستانبولون منظره‌سینه علاوه اولاراق، فرقلی نقطه‌لری پانورامیک اولاراق ایزله‌مه تجروبه‌سی یاشادان چوخ بعدلو سیاح ۳۶۰ و آیین قارانلیق سطحینه سیاحت تجروبه‌سی یاشادان دیجیتال پارک 'هدف آی' ایله ده قوناقلار بورجدا گؤزل زامان گئچیرمه ایمکانینا صاحب اولور.

رنگلی فعالیتلری، تکنیک اؤزللیکلری و معماریسی ایله چاملیجا بورجو، ایستانبولون یئنی سیمگه‌لریندن بیری اولما یولوندا ایرلیله‌ییر.



ایلگیلی‌لی خبرلر