اونروا: اردن چایینین باتی ساحیلینده‌کی موحاریبه دقتدن کناردا قالیر
بیرلشمیش میللتلر تشکیلاتی: اردن چایینین باتی ساحیلینده حربی عملیاتلار، داغینتیلار، حرکت محدودیتلری و یوخسوللوق فیلیسطین‌لیلر آراسیندا قورخو، غیر معیینلیک و ناراحاتلیق یارادیب
بیرلشمیش میللتلر تشکیلاتینین یاخین شرقده‌کی فیلیسطینلی قاچقینلارا یاردیم و ایشلر اوزره آژانسی (اونروا) خبردارلیق ائدیب کی، غزه زولاغیندا موحاریبه شدتلنیرکن، اردن چایینین باتی ساحیلینده‌کی موحاریبه دقتدن کناردا قالیر.
اونروا-نین سوسیال مئدیا حسابیندا ایسرائیلین سون گونلرده ایشغال آلتینداکی اردن چایینین باتی ساحیلینده آرتان زوراکیلیقلاری ایله باغلی آچیقلاما وئریلیب.
بَیاناتدا قید اولونوب کی، اردن چایینین باتی ساحیلینده حربی عملیاتلار، داغینتیلار، حرکت محدودیتلری و یوخسوللوق فیلیسطین‌لیلر آراسیندا قورخو، غیر معیینلیک و ناراحاتلیق یارادیب.
بَیاناتدا غزه‌ده موحاریبه‌نین شیدتلندیگی بیر واختدا اردن چایینین باتی ساحیلینده باشقا بیر موحاریبه‌نین دقتدن کناردا قالدیغی، بؤلگه‌ده گرگینلیگین داها دا آرتماسینین صلح یولو ایله حل یولونو داها دا اوزاقلاشدیراجاغی بیلدیریلیب.
ایسرائیل اوردوسو 21-23 می تاریخلرینده اردن چایینین باتی ساحیلینده یئرلشن جنین شهری و دوشرگه‌سینه هوجوملار حیاتا کئچیردیگی، 12 فیلیسطین‌لینین حیاتینی ایتیردییی، 21 فیلیسطین‌لینین یارالاندیغی، 7 ائوین تامامیله داغیدیلدیغی، یوزلرله ائوه زیان دَیمیشدی.
