پوتین صولح شرطلرینی آچیقلاییب

پوتین: بو گون بیز اوکراینا یئنیدن رئال صولح تکلیفی وئریریک. بیز مووقتی آتیش‌کس یاراتماغی و مثلایی دوندورماق دئییل، موناقیشه‌لره سون قویماغی تکلیف ائدیریک

2153156
پوتین صولح شرطلرینی آچیقلاییب

روسیه‌ پرزیدنتی ولادیمیر پوتین اؤلکه‌سینین اوکراین ایله صولح دانیشیقلاری اوچون شرطلرینی آچیقلاییب.

ولادیمیر پوتین پایتخات مسکودا خاریجی ایشلر ناظیرلیگینین یوکسک وظیفه‌لی شخصلرینین ایشتیراکی ایله گؤروش کئچیریب.

جون آیینین 15-16-دا سوئیسده کئچیریله‌جک اوکراین صولح زیروه‌سی ایله باغلی پوتین، "سوئیسده‌کی کنفرانسا دعوت ائدیلمدیک. روسیه‌سیز، بیزیمله آچیق و مسئولیتلی بیر راضیلاشما یاراتمادان اوکراین و اوروپا تهلوکه‌سیزلیگینه حل یولو تاپماق مومکون دئییل." دئدی.

پوتین بیلدیریب کی، اوکراین دونتسک، لوهانسک، خرسون و زاپوروژیادان قوشونلارینی چیخارسا و ناتویا عوضو اولماق ایستَیین‌دن ال چکسه‌، بو اؤلکه ایله دانیشیقلارا باشلایا بیلرلر.

پوتین، "بو گون بیز اوکراینا یئنیدن رئال صولح تکلیفی وئریریک. بیز مووقتی آتیش‌کس یاراتماغی و مثلایی دوندورماق دئییل، موناقیشه‌لره سون قویماغی تکلیف ائدیریک." دئدی.

2022-جی ایل فوریه‌نین 24-ده روسیه‌ لیدری اوکراینی ایشغال ائتمک امرینی وئردی و بونونلا دا روسیه‌-اوکراین موحاریبه‌سی باشلادی.

پوتین بیلدیریب کی، کی‌یف‌ین ناتویا داخیل اولماسینین قارشیسینی آلماق و اونو روسیه‌نین تأثیر دایره‌سینده ساخلاماق اوچون اؤلکه‌نی عسگرسیزلشدیرمک و فاشیستسیزلشدیرمک مقصدی داشیییر.



ایلگیلی‌لی خبرلر