مکزیکده پرزیدنتلیک میتینگینده متال اکران اینسانلارین اوزرینه دوشوب
صحنه‌نین دامینین اوچماسی نتیجه‌سینده ایلکین معلوماتا گؤره، 5 نفر حیاتینی ایتیریب، 50 نفر ایسه یارالانیب
مکزیکده پرزیدنتلییه آدایلاردان بیری اولان خورخه آلوارس ماینزین میتینگینده صحنه‌دکی بؤیوک متال اکران اینسانلارین اوزرینه دوشوب و صحنه‌نین دامی اوچوب. ایلکین معلوماتا گؤره، 5 نفر اؤلوب، 50 نفر یارالانیب.
2 جون تاریخینده کئچیریله‌جک سئچکیلر اؤنجه‌سی نوئوو لئون ایالتینده سون میتینگینی کئچیرن وطنداش حرکاتینین پرزیدنتلییه نامیزدی ماینز اکیبی و طرفدارلارینی سلاملایارکن صحنه‌دکی بؤیوک متال اکران ایشتیراکچیلارین اوزرینه دوشوب.
صحنه‌نین دامینین اوچماسی نتیجه‌سینده ایلکین معلوماتا گؤره، 5 نفر حیاتینی ایتیریب، 50 نفر ایسه یارالانیب.
حادیثه‌دن سونرا تدبیر اولاراق خسته‌خانایا آپاریلان ماینز، ایکس حسابیندا وئردیگی آچیقلامادا صحتینین یاخشی اولدوغونو بیلدیریب، "من یاخشیام و باش وئرنلری ایزله‌مک اوچون حؤکومت مسئوللاری ایله علاقه ساخلاییرام." دئدی.
پرزیدنت آندرس مانوئل لوپز اوبرادور ایکس حسابینداکی پایلاشیمیندا قضایا گؤره دریندن کدرلندیگینی بیلدیریب و مرحوملارین عائله‌لرینه باش‌ساغلیغی وئریب.
