آمریکا مودافیعه ناظیری ایسرائیلین مودافیعه ناظیری ایله تلفونلا دانیشیب
لوید آستین: غزه‌ده اینسانی یاردیم عملیاتلاری ایله حربی عملیاتلاری آییرماق اوچون ائتکیلی مکانیزم یارادیلمالیدیر
آمریکا مودافیعه ناظیری لوید آستین، ایسرائیلین مودافیعه ناظیری یوآو گاللانت ایله تلفونلا دانیشیب.
آمریکا مودافیعه ناظیرلیگینین (پنتاگون) سؤزچوسو ژنرال پات رایدرین ایکی اؤلکه آراسیندا تلفون دانیشیغی ایله باغلی وئردیگی یازیلی آچیقلامایا گؤره، طرفلر غزه‌ده‌کی وضعیتی و بؤلگه‌یه اینسانی یاردیملارین آرتیریلماسینی موذاکیره ائدیبلر.
بو چرچیوه‌ده آستین ایسرائیل حؤکومتینی رفح سرحد قاپیسینی آچماق و کرم ابو سلیم سرحد قاپیسی واسیطه‌سیله اینسانی یاردیم آخینینا یئنیدن باشلاماق اوچون مصرله دانیشیقلاری یئکونلاشدیرماغا تشویق ائدیب.
آستین بیلدیریب کی، غزه‌ده اینسانی یاردیم عملیاتلاری ایله حربی عملیاتلاری آییرماق اوچون ائتکیلی مکانیزم یارادیلمالیدیر.
گؤروش زامانی آمریکانین ایسرائیلی دستکله‌مک تعهدو دا بیر داها وورغولانیب.
آستین همچینین خاطیرلادیب کی، آمریکا اولوسلارآراسی جنایت محکمه‌سینین باش ساوجیسی کریم خانین ایسرائیل لیدرلرینه قارشی حبس قراری طلب ائتمه‌سینه اعتیراض ائدیب.
