روسیا فرانسانی اویاردی
""روسیا-فرانسا ایلیشکیلری حقیقتاً ده درین بیر بحراندا، وضعیت سویوق ساواش دؤورو ایله بئله مقایسه ائدیله‌بیلمز"
روسیا، فرانسا ایله ایلیشکیلرین "سویوق ساواش دؤنمی ایله بئله مقایسه ائدیله‌بیلمه‌یه‌جک درین بیر بحراندا" اولدوغونو بیلدیردی.
روسیا فدراسیونو خاریجی ایشلر باخانلیغی آوروپا دایره‌سی باشقانی آرتیوم ایستودنیکوو،"ریا نوووستی" آژانسینا وئردیگی مصاحیبه‌ده "روسیا-فرانسا ایلیشکیلری حقیقتاً ده درین بیر بحراندا، وضعیت سویوق ساواش دؤورو ایله بئله مقایسه ائدیله‌بیلمز. اؤلکه‌لر آراسینداکی امکداشلیغین باشلیجا ساحه‌لری، یالنیز سیاست و اقتصاد دئییل، مدنیت، تحصیل و ایدمان ساحه‌لرینده‌کی ایلیشکیلر ده فرانسا طرفیندن بلوکه ائدیلیر" دئیه دانیشدی.
پاریسین اوکراینایا عسگر گؤندرمه پلانلارینی دا یوروملایان ایستودنیکوو، "دوغروسو، بئله بیر سناریونون گئرچکلشمه‌سی دوروموندا قارشیلیق تدبیرلر سیاسی ساحه‌نین دیشینا چیخاجاق. فرانسا طرفینی بو مؤوضوعدا دفعه‌لرله اویاردیق" دئدی.
ایستودنیکوو آیریجا، بونون موسکوانین سئچیمی دئییل، "باتینین اوزون ایللر بویونجا روسیایا تطبیق ائتدیگی و نهایت بیر هیبرید ساواشا چئوریله‌ن باسقی سیاستینین" نتیجه‌سی اولدوغونو سؤیله‌دی.
فرانسا دؤولت باشقانی امانوئل مکرون، روس اوردوسونون جبهه خطینی دلمه‌سی و کیئوین کؤمک ایسته‌مه‌سی حالیندا اوکراینایا عسگر گؤندرمه احتیمالینی محفوظ توتدوقلارینی سؤیله‌میشدی.
