کی‌یف ناتودان روسیه راکتلرینی وورماغی ایستییب
زلنسکی: بیزه قونشو اولان اؤلکه‌لرده ناتونون اوچاقلارینی هاوایا قالدیرین، هدفلری وورسونلار و مولکی اینسانلاری قوروسونلار
اوکراین پرزیدنتی ولادیمیر و ناتو دؤلتلرینی اوکراینین مودافیعه‌سینده داها فعال رول اویناماغا و اوکراین هاوا مکانینی پوزان روسیه راکتلرینی وورماغا چاغیریب.
زلنسکی وعد ائدیلمیش، لاکین هله ده مؤوجود اولمایان «پاتریوت» سیستملری گلنه قدر مودافیعه بوشلوغونون بو شکیلده باغلانا بیله‌جیینی مودافیعه ائتدی. اوکراینین خاریجی ایشلر ناظیری آوریل آییندا داها 7 راکتدن مودافیعه سیستمینه احتیاج دویدوقلارینی بیلدیریب.
ناتویا سسلنن زلنسکی، هله ده کی‌یف‌ین روسیه قووه‌لرینه قارشی مودافیعه ائتمه‌لی اولدوغو اف-16 ساواش اوچاقلارینی گؤزلدیکلرینی خاطیرلادیب. ”اونلاری ایندی گؤندره بیلمه‌زسینیز می؟ او زامان بیزه قونشو اولان اؤلکه‌لرده ناتونون اوچاقلارینی هاوایا قالدیرین، هدفلری وورسونلار و مولکی اینسانلاری قوروسونلار." دئدی.
روسیه‌نین خارکوو ویلایتینده سون بیر هفته‌ده شیدتلی قارشیدورمالاردا 1500-دن چوخ عسگر ایتیردیگینی بیلدیرن زلنسکی، روسلارین اوکراین اراضیسینده 300 اوچاغی اولدوغونو و روسیه قووه‌لرینه هاوادا موقاویمت گؤسترمک اوچون ان آزی 120-130 اوچاقا احتیاج اولدوغونو بیلدیریب.
