روسیه سمنووکا قصبه‌سینین کنترلونو اله کئچیریب
روسیه ساوونما ناظیرلیگی: مرکز قووه‌لر گروپونون قوشونلاری دونتسک خالق جمهوریتینین سمنووکا (سمنیوکا) قصبه‌سینی آزاد ائدیب
روسیه ساوونما ناظیرلیگی دونتسک ویلایتینده‌کی سمنووکا قصبه‌سینین کنترلونو اللرینه کئچیردیکلرینی آچیقلاییب. ناظیرلیکدن وئریلن آچیقلامادا روسیه حربی قووه‌لرینین روسیه-اوکراین موحاریبه‌سینده‌کی فعالیتلری باره‌ده معلومات وئریلیب.
روسیه اوردوسونون اوکرایندا دؤیوشلرینی داوام ائتدیردیگینی بیلدیرن بَیاناتدا، "مرکز قووه‌لر گروپونون قوشونلاری دونتسک خالق جمهوریتینین سمنووکا (سمنیوکا) قصبه‌سینی آزاد ائدیب." ایفاده‌سی ایشلدیلدی.
آچیقلامادا اوکراین اوردوسونا مخصوص پیلوتسوز اوچوش آپاراتلارینین ییغیلدیغی مرکز و سون 24 ساعات عرضینده 22 پیلوتسوز اوچوش آپاراتینین وورولدوغو بیلدیریلیب و قید ائدیلیب کی:
"حربی عملیات باشلایاندان ایندییه‌دک اوکراین اوردوسونا عائد 593 اوچاق، 270 هلیکوپتر، 23 مین 609 پیلوتسوز اوچوش آپاراتی، 509 هاوا هوجوموندان مودافیعه راکت سیستمی، 15 مین 880 تانک و زره‌لی ماشین، 1275 چوخ‌لوله‌لی یایلیم آتشی سیستمی، 9 مین 209 هویتزر و توپ ایله 387 خوصوصی حربی ماشین محو ائدیلیب."
ایلگیلی‌لی خبرلر
بمت اوکراینادا آرتان هوجوم‌لارلا باغلی خبردارلیق ائدیب
بمت تهلوکه‌سیزلیک شوراسیندا اوکراینا‌داکی اینسانی وضعیتله باغلی حادثه‌لر موذاکیره ائدیلیب.
