بمت اوکراینادا آرتان هوجوم‌لارلا باغلی خبردارلیق ائدیب
بمت تهلوکه‌سیزلیک شوراسیندا اوکراینا‌داکی اینسانی وضعیتله باغلی حادثه‌لر موذاکیره ائدیلیب.
بیرلشمیش میللت‌لر تشکیلاتی (بمت) روسیانین خصوصیله اوکراینانین خارکوو ویلایتینه قارشی هوجوم‌لاری‌نین آرتدیغینی و طرف‌لرین هر ایکی اؤلکه‌ده‌کی آلت یاپیلاری هدف آلدیغینی آچیقلاییب.
بمت تهلوکه‌سیزلیک شوراسیندا اوکراینا‌داکی اینسانی وضعیتله باغلی حادثه‌لر موذاکیره ائدیلیب.
عضو اؤلکه‌لری معلوماتلاندیران بمت-نین اینسانی مسئله‌لرین علاقه لندیریلمه‌سی اوفیسی‌نین (OCHA) اینسانی یاردیمین مالیه‌لشدیریلمه‌سی بؤلمه‌سی‌نین مودورو لیزا دوتن بؤلگه‌ده آرتان موناقیشه‌نین داها چوخ یئردییشمه‌یه سبب اولدوغونو و خارکوو بؤلگه‌سیندن 7 مین اینسانین قاچدیغینی سؤیله‌ییب.
اوکراینادا قارشیدورمانین خصوصیله روسیا ایله قوزیی دوغو سرحدده آرتدیغینا دقت چکن لیزا دوتن، خارکوو بؤلگه‌سینده باش وئرن آردیجیل هوجوم‌لارین اوشاق‌لار دا داخیل اولماقلا، جان ایتکی‌سینه و یارالانما‌لارا سبب اولدوغونو ایفاده ائدیب.
لیزا دوتن بیلدیریب کی، تکجه آوریل آییندا اوکراینادا 700 سیویل شخص اؤلدورولوب.
اوکراینانین هر یئرینده سیویل آلت یاپی لارا هوجوم‌لارین شدتلندیگینه دقت چکن لیزا دوتن 22 مارس‌دان بو یانا اوکراینانین انرژی آلت یاپی سینا 5 هوجومون ائدیلدیگینی بیلدیریب.
لیزا دوتن اوکراینانین دوغوسوندا و گونئیینده دمیر یولو آلت پاپیسینا ائدیلن هوجوم‌لارا گؤره ناراحات اولدوق‌لارینی قئید ائدیب.
لیزا دوتن لیمان‌لارا ائدیلن هوجوم‌لارین صادرات ایمکان‌لارینی محدودلاشدیردیغینا دقت چکیب.
بمت-نین اینسانی مسئله‌لرین علاقه‌لندیریلمه‌سی اوفیسی‌نین (OCHA) اینسانی یاردیمین مالیه‌لشدیریلمه‌سی بؤلمه‌سی‌نین مودورو لیزا دوتن روسیادا انرژی آلت یاپیسی و نفت پایشگاه لارینی هدف آلان هوجوم‌لارین دا قورخودوجو اولدوغونا دقت چکه‌رک بو هوجوم‌لارین محاربنی داها دا آلوولاندیراجاغی ایله باغلی خبردارلیق ائدیب.
محاربه‌نین اون مین‌لرله اینسانین اؤلومونه سبب اولدوغونو قئید ائدن بمت رسمی‌سی دئییب: "اوکراینادا جمعیتین 40 فایزی‌نین اینسانی یاردیما احتیاجی وار" .
او، بمت تهلوکه‌سیزلیک شوراسینی محاربنی دایان‌دیرماق اوچون آددیم‌لار آتماغا چاغیریب.
