جنت یلن: ایرانا یئنی تحریملر اولاجاق
"خزانه، ایران رژیمینین پیس نیتلی و ثابتلیگی پوزان فعالیتلرینه مانع تؤرتمهیه داوام ائتمک آماجی ایله تحریم صلاحیتیمیزدن ایستیفاده ائتمک اوزره متفیقلریمیزله بیرلیکده چالیشماقدان چکینمهیهجک"
آمریکا بیرلشمیش دؤولتلری خزانه باخانی جنت یلن، ایسرائیله سالدیریسینین آردیندان ایرانا یئنی تحریملر تطبیق اولونابیلهجگی قونوسوندا اویاردی.
اولوسلارآراسی پول صاندیغی و دونیا بانکی باهار ییغینجاقلاری چرچیوهسینده تشکیل ائتدیگی مطبوعات توپلانتیسیندا، ایرانین هفته سونو ایسرائیله ائتدیگی سالدیرییا توخونان جنت یلن،
"خزانه، ایران رژیمینین پیس نیتلی و ثابتلیگی پوزان فعالیتلرینه مانع تؤرتمهیه داوام ائتمک آماجی ایله تحریم صلاحیتیمیزدن ایستیفاده ائتمک اوزره متفیقلریمیزله بیرلیکده چالیشماقدان چکینمهیهجک" ایفادهسینی ایشلتدی.
یلن، گئچهن هفته سونو ائدیلن سالدیریلاردان قیزیلدنیزدهکی حوثی سالدیریلارینا قدر ایرانین حرکتلرینین، بؤلگهنین ثابیتلیگینی تهدید ائتدیگینی وورغولایاراق بونون، اقتصادی تاثیرلرینین اولابیلهجگینی دیله گتیردی.
چاتیشمانین داها گئنیش بؤلگهسل و کۆرهسل بیر حادثهیه دؤنمهمهسی اوچون کنترل آلتینا آلینماسی لازیم اولدوغونو ایفاده ائدن یلن، اورتا دوغوداکی بعضی اؤلکهلرین اقتصادی اوزرینده منفی تأثیرلری اولدوغونو ایفاده ائتدی.
جنت یلن، گلهجک گونلرده ایرانا قارشی علاوه تحریملر تطبیق اولونماسینی گؤزلهدیگینی ایفاده ائتدی.
ایرانین نفت صادر ائتمه قابیلیتینی آزالتماق اوچون چالیشدیقلارینی آنجاق ایرانین بیر میقدار نفت صادر ائتمهیه داوام ائتدیگینی وورغولایان یلن، بو مؤوضوعدا ائدیلهبیلهجک داها چوخ شئی اولابیلهجگینی سؤیلهدی.
ایلگیلیلی خبرلر
ایسپانیانین باش ناظیری ایستعفا وئرمهیهجگینی آچیقلاییب
ایسپانیانین باش ناظیری پدرو سانچز اؤز وظیفهسینده قالاجاغینی آچیقلاییب.