گوترش: دونیا سودانلیلاری اونودور
اؤلکهلرین اکثریتینین سون 48 ساعاتدا "یاخین شرقده باش وئرن بحرانا دقت یئتیردیگینی" ایفاده ائدن گوترش، "دونیا سودانلیلاری اونودور" دئدی
بیرلشمیش میلتلر تشکیلاتینین باش کاتیبی آنتونیو گوترش، سوداندا بیر ایلدیر داوام ائدن موناقیشهلرین کیفایت قدر گوندمده اولمادیغینی و سودان خالقینین "اونودولدوغونو" سؤیلهدی.
آنتونیو گوترش بیرلشمیش میلتلر تشکیلاتینین نیویورکداکی مرکزینده سوداندا موناقیشهنین بیر ایلی تاماملادیغی سببی ایله مطبوعاتا آچیقلاما وئریب.
اؤلکهلرین اکثریتینین سون 48 ساعاتدا "یاخین شرقده باش وئرن بحرانا دقت یئتیردیگینی" ایفاده ائدن گوترش، "دونیا سودانلیلاری اونودور" دئدی.
باش کاتیب سون 3 گونده ایران و ایسرائیل آراسیندا یاشانان بحرانین سودان کیمی اؤلکهلردهکی فؤوقالعاده حاللاری کؤلگهده قویدوغونو وورغولاییب.
گوترش، سودانداکی موناقیشهلر ایلک ایلینی باشا وورسا دا، سیاسی حل یولونون هله چوخ اوزاقدا اولدوغونو بیلدیرب و اؤلکهده وضعیتی "بو، ایکی دؤیوشن طرف آراسیندا موناقیشهدن داها چوخ شئیدیر." سؤزلری ایله ایفاده ائدیب.
آنتونیو گوترش سودانا 2.7 میلیارد دولارلیق اینسانی یاردیم پلانینین پولونون جمعا 6 فائیزینین توپلاندیغینا و اؤلکهدهکی موناقیشهلر سببیندن قاچقین بحرانینین حللی اوچون لازیم اولان تخمینا 1.5 میلیارد دولارلیق پلانین یالنیز 7 فائیزینین توپلاندیغینا دقت چکیب.
سؤزوگئدن یاردیملارین توپلانماسی اوچون اوروپا بیرلیگی حؤکومتلرینین ائو صاحیبلیگی ائتدیگی دوننکی کنفرانسا توخونان گوترش، "سودان خالقینین بو کابوسدان قورتولمالارینا یاردیم ائتمک اوچون گلوبال توپلومون دستیینه و سخاوتینه چوخ احتییاجی وار." دئدی.
ایلگیلیلی خبرلر
ایسپانیانین باش ناظیری ایستعفا وئرمهیهجگینی آچیقلاییب
ایسپانیانین باش ناظیری پدرو سانچز اؤز وظیفهسینده قالاجاغینی آچیقلاییب.