مسلمانلار رمضان بایرامینی قوتلاییر
سحرین ائرکه‌ن ساعاتلاریندا مسجیدلری دولدوران مسلمانلار، قیلینان نامازین آردیندان دعا ائتدی، آردیندان بیر بیرلری ایله بایراملاشدی
تورکیه‌ده و دونیانین بیر چوخ اؤلکه‌سینده مسلمانلار، رمضان بایرامینی قوتلاییر.
رمضان بایرامینین ایلک گونو وطنداشلار بایرام نامازی اوچون مسجیدلره آخین ائتدی.
سحرین ائرکه‌ن ساعاتلاریندا مسجیدلری دولدوران مسلمانلار، قیلینان نامازین آردیندان دعا ائتدی، آردیندان بیر بیرلری ایله بایراملاشدی.
باشکند آنکارادا وطنداشلار، ائرکه‌ن ساعاتلاردا مسجیدلری دولدوردو. فرقلی اؤلکه‌لردن مسلمانلار، مسجیدلره گله‌نکسل پالتارلارییلا گلدی. نامازین آردیندان باشکندلیلر، مسجیدده بایراملاشدی.
ایستانبولون فرقلی بؤلگه‌لریندن گلنلر ایله یئرلی و خاریجی چوخ ساییدا توریست، بایرام نامازینی، شهرده‌کی بؤیوک و تاریخی مسجیدلرده قیلدی. نامازین آردیندان مسجیدین حیطینده بیر آرایا گلن جماعت بایراملاشدی.
تورکیه‌ده‌کی دیگر ائللرده ده رمضان بایرامینین ایلک گونو وطنداشلار بایرام نامازیندا مسجیدلره آخین ائتدی، بیر بیرلری ایله بایراملاشدی.
بو آرادا، ایسرائیلین قیسیدلامالارینا باخمایاراق رمضان بایرامی نامازینی ۶۰ مین مسلمان ایشغال آلتینداکی دوغو قدس‌دا اولان مسجد الاقصی‌دا قیلدی.
گورجوستان، قیرقیزیستان، اؤزبکیستان، آذربایجان، افغانیستان و سوئدده ده مسلمانلار قیلینان بایرام نامازینین آردیندان بیر بیرلری ایله بایراملاشدی.
ایلگیلی‌لی خبرلر
ایسپانیانین باش ناظیری ایستعفا وئرمه‌یه‌جگینی آچیقلاییب
ایسپانیانین باش ناظیری پدرو سانچز اؤز وظیفه‌سینده قالاجاغینی آچیقلاییب.
