ایسرائیل دونیاداکی 30 دیپلوماتیک مرکزینی باغلاماق قرارینا گلیب
ایسرائیل دمشقده یوکسک روتبهلی ایرانلی مأمورلارین هلاک اولدوغو هوجومدان سونرا ایرانین جواب آددیمی آتاجاغینی دوشونرک دونیاداکی 30 دیپلوماتیک مرکزینی باغلاماق قرارینا گلیب
ایسرائیلین رمداکی سفیرلیگی تهلوکهسیزلیک ریسکی سببیندن باغلانیب.
ایتالیانین آنسا آژانسینین خبرینده ایسرائیلین ایرانین دمشقدهکی کونسوللوق بیناسینا هوجوموندان سونرا ایسرائیلین رمداکی سفیرلیگینین آلارم وضعیتینه گتیریلدیگی و بو سببدن باغلاندیغی بیلدیریلیب.
خبرده همچنین قید اولونوب کی، ایسرائیل دمشقده یوکسک روتبهلی ایرانلی مأمورلارین هلاک اولدوغو هوجومدان سونرا ایرانین جواب آددیمی آتاجاغینی دوشونرک دونیاداکی 30 دیپلوماتیک مرکزینی باغلاماق قرارینا گلیب.
ایسرائیلین آوریل آیینین 1-ده ایرانین دمشقدهکی سفیرلیگی یئرلشکهسیندهکی کونسوللوق بیناسینا حیاتا کئچیردیگی هاوا هوجوموندا 2-سی ژنرال اولماقلا ایران انقلاب کئشیکچیلری اوردوسوندان عمومیلیکده 7 نفر هلاک اولوب. هوجومدا 6 سوریه وطنداشینین هیاتینی ایتیردیگی ده بیلدیریلیب.
ایلگیلیلی خبرلر
ایسپانیانین باش ناظیری ایستعفا وئرمهیهجگینی آچیقلاییب
ایسپانیانین باش ناظیری پدرو سانچز اؤز وظیفهسینده قالاجاغینی آچیقلاییب.