ولادیمیر زلنسکی: روسیه‌ 300 مین علاوه‌ عسگری سفربر ائده‌جک

اوکراین پرزیدنتی ولادیمیر زلنسکی روسیه‌‌نین سپتامبرین 1-دن اعتباراً 300 مین عسگر‌ینی سفربر ائتمه‌یی پلانلاشدیردیغینی ادعا ائدیب.

زلنسکی فنلاند پرزیدنتی‌ ایله مطبوعات کنفرانسیندا "دئیه بیلرم کی روسیه‌ جولای 1-دن اعتباراً 300 مین علاوه‌ عسگری سفربر ائده‌جک." دئییب.

مارس آییندا ویورستکا قزئتی "خارکووا هوجوم اوچون" 300 مین علاوه‌ عسگرین سفربر ائدیله‌جیینی یازمیشدی. قزئت پرزیدنته و ساوونما ناظیرلیگینه یاخین منبعه ایستینادن، ”پلانلارا گؤره، نؤوبتی یئرده خارکوو‌دور، لاکین شهر ساغ قالا‌جاق. بو دا آنجاق شهری احاطه‌ ائتمکله مومکوندور. 300 مین نفر اسکیک وار. بونا گؤره‌ ده 2.0 سفربر‌لیک اوچون حاضیر‌لیق تاماملانیب“، یازمیشدی.

روسیه‌ پرزیدنتینین مطبوعات کاتیبی دمیتری پسکوو زلنسکینین آچیقلاما‌سینی تکذیب ائدیب.

دؤولت دوماسینین ساوونما کومیته‌سینین صدری آندره کارتاپولوو اوکراین پرزیدنتینین سؤز‌لر‌ینی ”بیزیم سفربرلییه احتیاجیمیز یوخ‌دور، سلاحلی قووه‌لریمیزین جلب ائدیلمه‌سی سیستمی کیفایت قدر یاخشی ایشلییر“،  شکلینده شرح ائدیب.