جوزپ بورل روسیه‌نین قوزئی کره ایله امکداشلیق ائتدیگینی بیلد‌یردی
جوزپ بورل اوروپا بیرلیگینین اوکراینا وئردیگی حربی دستیین یئترلی اولمادیغینی و دستیین قیسا زاماندا آرتیریلماسی لازیم اولدوغونو بیلدیریب
اوروپا بیرلیگینین خاریجی علاقه‌‌لر و تهلوکه‌سیز‌لیک سیاستی اوزره عالی نماینده‌سی جوزپ بورل، روسیه‌نین اوکرایندا داوام ائدن محاربه‌ده سلاح تامین ائتمک اوچون قوزئی کره ایله امکداشلیق ائتدیگینی بیلد‌یردی.
ناتو خاریجی ایشلر ناظیر‌لری توپلانتیسی‌نین ایکینجی گون توپلانتیسینا قاتیلماق اوچون ناتو قرارگاهینا گئدن بورل، بوگونکو گؤروش‌لر چرچوه‌‌سینده هند-پاسیفیک بؤلگه‌سینده طرفداش‌لارلا گؤروشلرین کئچیریله‌جیینی و روسیه‌نین بو بؤلگه‌‌ده‌کی فعالییتی‌نین ده مذاکیره اولوناجاغینی بیلدیریب.
روسیه ایله قوزئی کره آرا‌سیندا حربی امکداشلیق اولدوغونو بیلدیرن بورل، ”روسیه‌نین بیرلشمیش میللتلر تشکیلاتیندا قوزئی کره‌نین بالیستیک راکتلرینه نظارت ائتمه‌سینه وتو قویماسی روسیه ایله قوزئی کره‌نین نه قدر یاخین اولدوغونو و اوکراینا هوجوم ائتمک اوچون سلاح تامین ائتمک اوچون نئجه بیر‌لیکده چالیشدیقلارینی گؤستریر." دئدی.
جوزپ بورل اوروپا بیرلیگینین اوکراینا وئردیگی حربی دستیین یئترلی اولمادیغینی و دستیین قیسا زاماندا آرتیریلماسی لازیم اولدوغونو بیلدیریب.
روسیه‌نین مولکی وطنداش‌لاری و آلت‌یاپییی هدف آلدیغینی آچیقلایان بورل، "بو، یالنیز بیر شئیی گؤستریر، بیز مولکی اینسانلاری قوروماق و اوکراینلیلارین هوجوما مقاومت قابیلیتینی تامین ائتمک اوچون دستک وئر‌مه‌یه و داها چوخ ایشلر گؤر‌مه‌یه داوام ائتملی‌ییک" دئدی.
ایلگیلی‌لی خبرلر
ایسپانیانین باش ناظیری ایستعفا وئرمه‌یه‌جگینی آچیقلاییب
ایسپانیانین باش ناظیری پدرو سانچز اؤز وظیفه‌سینده قالاجاغینی آچیقلاییب.
