زلنسکی مارس آیی ساواش دورومونو دیرلندیردی
اوکراین پرزیدنتی: مارس آییندا روسیه اوردوسو اوکراینایا قارشی هوجوملاردا 400-دن چوخ راکت نؤوعو، 600-دن چوخ ”شاهد“ پهپاد و 3 میندن چوخ اداره اولونان بومبادان استفاده ائدیب
اوکراین پرزیدنتی ولادیمیر زلنسکی روسیه اوردوسونون مارس آییندا اؤلکهسینه قارشی هوجوملاردا 400-دن چوخ راکت نوعوندن استفاده ائتدییگنی بیلدیریب.
زلنسکی سوسیال مئدیا حسابیندان وئردیگی آچیقلامادا روسیهنین مارس آییندا اوکراینا چوخلو راکت و پهپاد ایله هوجوم ائتدیگینی بیلدیریب.
تکجه مارس آییندا روسیه اوردوسو اوکراینایا قارشی هوجوملاردا 400-دن چوخ راکت نؤوعو، 600-دن چوخ ”شاهد“ پهپاد و 3 میندن چوخ اداره اولونان بومبادان استفاده ائتدیگینی بیان ائدن زلنسکی،
"اوکراینین موختلیف شهر و کندلری بو تروردان اذیت چکیر، روسیه مخصوصا جبههیانی بؤلگهلره و سرحدیانی تورپاقلارا آغیر ضربهلر ائندیریر." دئدی.
زلنسکی 2022-جی ایل فوریهنین 24-ده محاربه باشلایاندان بری خارکوف شهرینه راکت و پهپادلارلا هوجوملارین ائدیلدیگینه دقت چکیب،
"ایندی روسلار خارکوفا هوجوملاریندا هاوا بومبالاریندان استفاده ائدیرلر. بو دا، شهرده گوندهلیک آجی و اضطرابلار، هر گون اینسان ایتکیسی دئمکدیر. کریتیک آلتیاپیلار داغیدیلیر، عادی ائولره هر گون زیان دییر." دئدی.
اگر اوکراینین اعتبارلی هاوا هوجوموندان مدافعه سیستملرینه مالیک اولسا، بونلارین هئچ بیرینین باش وئرمیهجیینی وورغولایان اوکراین لیدری،
"اوکراینین الینده اولان پاتریوتلار ، روسیه ترورونون هر فورمو اودوزابیلهجیینی اثبات ائتمیشدیر. بو، بیزیم خارکوف و حاضیردا روسیهنین هوجومو آلتیندا اولان دیگر شهرلر و تورپاقلار اوچون لازیمدیر." دئدی.
ایلگیلیلی خبرلر
ایسپانیانین باش ناظیری ایستعفا وئرمهیهجگینی آچیقلاییب
ایسپانیانین باش ناظیری پدرو سانچز اؤز وظیفهسینده قالاجاغینی آچیقلاییب.