مسکودا ”کروکوس سیتی هال“ کنسرت سالنوندا تؤردیلمیش ترور حادیثه‌سی
داغیستاندا کئچیریلن خوصوصی عملیات نتیجهسینده تؤردیلن ترور حادیثه‌سین پول و سلاحلا تامین ائتمکده شبهه‌لی بیلینن 4 خاریجی وطنداشین یاخالاندیغینی بیلدیریب
روسیه فدرال تهلوکه‌سیز‌لیک خیدمتی داغیستاندا کئچیریلن خوصوصی عملیات نتیجهسینده مسکودا ”کروکوس سیتی هال“ کنسرت سالنوندا تؤردیلن ترور حادیثه‌سین پول و سلاحلا تامین ائتمکده شبهه‌لی بیلینن 4 خاریجی وطنداشین یاخالاندیغینی بیلدیریب.
خیدمتین یایدیغی آچیقلامادا بیلدیریلیب کی مارسین 31-ده روسیه فدراسیونونون داغیستان جمهوریتینده کئچیریلن عملیاتلا کاسپیسک شهرینده 4 خاریجی وطنداشین ترور حادیثه‌سی حاضیرلادیغی ائوینه باسقین ائدیلیب و حرکتلرینین قارشیسی آلینیب.
بیاناتدا، "همچنین معین ائدیلیب کی توتوقلانان میلیتانلار مارسین 22-ده مسکودا ”کروکوس سیتی هال“ کنسرت سالنوندا تؤردیلمیش ترور حادیثه‌سینین ایجراچیلارینین مالی و سلاحلا تامین ائدیلمه‌سینده واسطه‌‌سیز ایشتراک ائدیب‌لر.“ سؤزلری داخیل ائدیلمیش‌دیر.
آچیقلامادا شوبهه‌لیلرین داغیستاندا سؤزوگئدن بؤلگه‌ده کشفیات آپاردیقلاری و بو شخصلرین حاضیرلادیقلاری الده دوزلتمه پارتلاییجی ماده‌لرین و اوتوماتیک سلاحلارین اله کئچیریلدیگی، شوبهه‌لیلرین ترور حادیثه‌سیندن درحال سونرا روسیه‌نی ترک ائتمک نیتینده اولدوقلاری بیلدیریلیب.
مارسین 22-ده آخشام ساعت‌لاریندا روسیه‌نین پایتاختی مسکودا "کروکوس سیتی هال" کنسرت سالنوندا سلاحلی شخص‌لر طرفیندن ترور حادیثه‌سی تؤردیلیب.
سوسیال مدیادا پایلاشیلان گؤرونتو‌لرده متجاوز‌لرین سالندا اوتوماتیک سلاحلارلا تصادفی آتش آچدیقلاری گؤرولوب.
ترور حادیثه‌سینده 144 نفرین حیاتینی ایتیردیگی آچیقلانیب.
مسکو‌نین باسماننی بؤلگه محکمه‌سی هوجوملا باغلی حاکم قارشیسینا چیخاریلان ۹ شبهه‌لی باره‌سینده حبس قراری چیخاریب.
ایلگیلی‌لی خبرلر
ایسپانیانین باش ناظیری ایستعفا وئرمه‌یه‌جگینی آچیقلاییب
ایسپانیانین باش ناظیری پدرو سانچز اؤز وظیفه‌سینده قالاجاغینی آچیقلاییب.
