جو بایدندن اعتیراف: مینلرله گوناهسیز قادین و اوشاق اؤلدورولدو

آمریکا پرزیدنتی جو بایدن اعتیراف ائدیجی آچیقلاما وئررک، "غزه‌ده 30 میندن چوخ فیلیسطینلی اؤلدورولدو، اکثرییتی حماس عضوو دئییلدی; مینلرله گوناهسیز قادین و اوشاق اؤلدورولدو" دئدی.

جو بایدن کنگره‌ده‌کی "بیرلیگین وضعییتی (State of the Union)" آدلی چیخیشیندا غزه‌ده سون وضعییتله باغلی قییمتلندیرملر ائدیب.

آمریکا پرزیدنتی اوکتبرین ۷-ده حماس-ین ایسرائیلده حیاتا کئچیردیگی هوجومو "ایسرائیل هولوکاستدان سونرا ان قانلی گونونو یاشادی" کیمی خاطیرلادیب و "ایسرائیلین حماسی سونا قدر ایزله‌مک حقوقونا مالیک اولدوغونو" مودافیعه ائدیب.

دیگر طرفدن بایدن، ایسرائیلین هوجوملارینی هیاتا کئچیررکن مولکی اینسانلاری هدف آلماماق کیمی بیر مسئولییت داشیدیغینی قئید ائده‌رک، "بو ساواش غزه‌ده اوولکی بوتون ساواشلارین جمعیندن داها چوخ گوناهسیز مولکی وطنداشین حیاتینا باشا گلدی. 30 میندن چوخ فیلیسطینلی اؤلدورولدو و اونلارین اکثرییتی حماسین عضوو دئییل. مینلرله و مینلرله قادین و اوشاق اؤلدورولدو، اوغلان و قیز اوشاقلاری یئتیم قالدی»، دئدی.