ایسلام امکداشلیق تشکیلاتینین فؤوقالعاده غزه توپلانتیسی
تورکیهنین تکلیفی ایله غزهده پروبلئمین حللی اوچون اولوسلارآراسی صلح کونفرانسی چاغیریشی ائدیلیب
غزهده ایسرائیل آخیدان قانی دایاندیرماق اوچون دیپلوماتیک سعیلر داوام ائدیر.
سعودی عربیستانینین جده شهرینده تورکیهنین خاریجی ایشلر ناظیری هاکان فیدانین تمثیل ائتدیگی ایسلام امکداشلیق تشکیلاتی خاریجی ایشلر ناظیرلری شوراسینین فؤوقالعاده توپلانتیسیندا تورکیهنین تکلیفی ایله غزهده پروبلئمین حللی اوچون اولوسلارآراسی صلح کونفرانسی چاغیریشی ائدیلیب.
چاغیریشدا فیلیسطینلی مولکی شخصلرین مودافیعهسی مکانیزمینین یارادیلماسینین واجیبلیگی وورغولانیب و ایسرائیلین بیرلشمیش میللتلر تشکیلاتی باشدا اولماقلا اولوسلارآراسی تشکیلاتلارا عضولویونون دایاندیریلماسی طلب ائدیلیب.
بیرلشمیش میلّتلر تشکیلاتینین باش کاتیبی آنتونیو گوترشه ائدیلن چاغیریشدا، ایسرائیلین اوشاقلارا قارشی تؤرتدیگی پوزونتولارا گؤره «اوشاقلار و سیلاحلی موناقیشهلر اوزره ایللیک راپورون» علاوهسینده «قارا لیسته» سالینماسی ایله باغلی چاغیریشدا، اولوسلارآراسی جینایت محکمهسینین عضوو اولان دؤولتلردن فیلیسطینده ایشلنن جینایتلری محکمیه وئرمهلری ایستندی.
فیلیسطینین بیرلشمیش میللتلر تشکیلاتینا تامحوقوقلو عضو اولماسی اوچون سعیلری دستکلمک چاغیریشی تکرارلانسا دا، هله فیلیسطینی تانیمایان اؤلکهلردن فیلیسطینی تانیماسی طلب اولونوب.
اوکتبرین 7-دن ایسرائیلین غزهیه هوجوملاریندا اؤلنلرین سایی 31 مینه، یارالیلارین سایی ایسه 73 مینه چاتیب.
ایلگیلیلی خبرلر
ایسپانیانین باش ناظیری ایستعفا وئرمهیهجگینی آچیقلاییب
ایسپانیانین باش ناظیری پدرو سانچز اؤز وظیفهسینده قالاجاغینی آچیقلاییب.