بیرلشمیش میللتلر تشکیلاتی کنگو دموکراتیک جمهوریتیندن گئری چکیلیر

کنگو دموکراتیک جمهوریتینین دوغوسونداکی گونئی کیوو ایالتینده یئرلشن بیرلشمیش میللتلر تشکیلاتینین ثابیتلشدیرمه میسیونونون (مونوسکو) عسگری مرکزی کنگو میللی پولیس آژانسینا وئریلیب.

مونوسکو -دان وئریلن آچیقلامادا، بیرلشمیش میللتلر تشکیلاتینین باریش قووه‌لری عسگرلرینین کنگو دموکراتیک جمهوریتیندن چیخاریلماسینین ایلک آدیمی اولاراق گونئی کیوو ایالتینین کامانیولا بؤلگه‌سینده یئرلشن مونوسکو عسگری مرکزینین کنگو میللی پولیس تشکیلاتینا تحویل وئریلدیگی آچیقلانیب.

مونوسکو باشقانی بینتوو کئیتا 13 ژانویه‌ده وئردیگی آچیقلامادا اوچ آشامالی گئری چکیلمه پلانینین بیرینجیسینین آوریل آییندان اول باشلایاجاغینی وه اؤلکه‌ده‌کی 13 مین 500 عسگرین سایینین 11 مین 500-ه ائنه‌جیینی آچیقلامیشدی.

گونئی کیووداکی 14 بیرلشمیش میللتلر تشکیلاتی مرکزنین کنگو تهلوکه‌سیزلیک قووه‌لرینه تحویل وئریله‌جگینی قئید ائدن کئیتا، گلجکده قوزئی کیوو و ایتوری بؤلگه‌لریندکی بیرلشمیش میللتلر تشکیلاتی قووّلرینین ده گئری چکیله‌جگینی بیلدیریب.

دونیادا بیرلشمیش میللتلر تشکیلاتینین ان بؤیوک میسیونلاریندان بیری اولان مونوسکو-نون اؤلکه‌نی ترک ائتمه‌سی اوچون خالق طرفیندن چوخ‌سایلی اعتیراضلار کئچیریلیب.

کنگو حؤکومتینین طلبی ایله دوغو آفریکا ایجماعسی دا اؤز باریش گوجونو اؤلکه‌دن چیخاریب.

روآندا، اوگاندا و بروندی ایله سرحدین یئرلشدیگی کنگو دموکراتیک جمهوریتینین دوغوسو 20 ایلدن آرتیقدیر کی قیزیل و کوبالت کیمی معدنلره نظارتی اله کئچیرمه‌یه چالیشان سیلاحلی قروپلارین هوجوملارینا وه قارشیدورمالارینا صحنه اولوب.