آلمان‌دا قاچقینلارا ائدیلن هوجوملاردا آرتیم

آلمان‌دا قاچقینلارا و قاچقینلارین یاتاقخانالارینا ائدیلن هوجوملار کئچن ایله گؤره تخمینن ایکی دفعه آرتیب.

"نوئن اوسنابروکر" قزئتی حؤکومتین سول پارتیسینین میللت وکیلی کلارا بونگئرین پارلامنت سوالینا وئردیگی جاوابی یازیب.

خبره گؤره، 2022 ایلینده اؤلکه‌ده قاچقینلارا قارشی 1248 هوجوم اولدوغو حالدا، 2023 ایلینین معلوماتلارینا گؤره، بیر ایل اووله نیسبت هوجوملاردا تخمینن ایکی دفعه آرتیم وار. 2023 ایلینده اؤلکه‌ده قاچقینلارا قارشی 2378 هوجوم اولوب.

کئچن ایل قاچقینلاری هدف آلان 313 زوراکیلیق کاراکتری داشییان هوجوملاردا 219 نفر یارالانیب.

2022 ایلینده قاچقینلارین یاتاقخانالارینا 70 هوجومون ائدیلدیگی اؤلکه‌ده بو سایی 2023 ایلینده 180 اولاراق قئیده آلینیب.

خبرلرده قییمتلندیرملرینه یئر وئریلن بونگئر، عرقچیلارین هر زامان مؤوجود اولان غضبی تطبیق ائتمک و قاچقینلارا هوجوم ائتمک اوچون جسارت تاپماسینین تعجوبلو اولمادیغینی ایفاده ائتدی.