آلمان خاریجی ایشلر باخانلیغی روسیه سفیرینی باخانلیغینا چاغیریب
آلمان خاریجی ایشلر باخانلیغینین سؤزچوسو روسیه‌ده‌کی ظولمه باخمایاراق دئموکراسی و آزادلیغی مودافیعه ائدن بوتون جسور اینسانلارا حؤرمت ائتدیکلرینی بیلدیریب
روسیه‌لی موخالیف آلکسی ناوالنینین توتساقدا اؤلوموندن سونرا روسیه‌نین برلین‌ده‌کی سفیری سرگئی نتشایئو آلمان خاریجی ایشلر باخانلیغینا چاغیریلیب.
آلمان خاریجی ایشلر باخانلیغینین سؤزچوسو کاترین دشاوئر پایتخت برلین‌ده مطبوعات کنفرانسی کئچیریب.
دشاوئر، آلمان حؤکومتی روسیه‌نین برلین‌ده‌کی سفیرینی خاریجی ایشلر باخانلیغینا چاغیردیغینی قئید ائدیب:
"آلکسی ناوالنی وه روسییا هؤکومتینین بیر چوخ دیگر تنقیدچیلرینه قارشی سیاسی سببلی تعقیبلر و غیری-اینسانی توتساق شرایطی روسیه عدالت سیستمینین مخالیفلرله نئجه آجیماسیز داوراندیغینی و پرزیدنت ولادیمیر پوتینین ایفاده آزادلیغینی بوغماق اوچون هانسی واسیطه‌لردن ایستیفاده ائتدیگینی گؤستریر" دئدی.
دشاوئر بونو قطعی شکیلده پیسلدیکلرینی وورغولاییب، "بیز روسیه‌ده سیاسی سببلرله حبس اولونانلارین آزادلیغا بوراخیلماسینی طلب ائدیریک" دئدی.
دشاوئر پوتینین اؤز خالقینا قارشی حرکتلرینین خوصوصیله 24 فوریه 2022 ایلینده اوکراین ساواشی باشلایاندان سونرا داها غددارلاشدیغینی قییمتلندیررک، پوتینین خالقینی سوسدورماغا چالیشدیغینی بیلدیریب.
دشاوئر ناوالنینی آنماق اوچون گول قویانلارین توتوقلانماسینی تنقید ائدرک، روسیه‌ده‌کی ظولمه باخمایاراق دئموکراسی و آزادلیغی مودافیعه ائدن بوتون جسور اینسانلارا حؤرمت ائتدیکلرینی بیلدیریب.
آلمان حؤکومتینین سؤزچوسو استفن هبسترئیت ده «ناوالنینین اؤلومونون شرطلرینین تام آیدینلاشدیریلماسینی و جسدینین آئیله‌سینه وئریلمسینی» ایستیییب.
ایلگیلی‌لی خبرلر
ایسپانیانین باش ناظیری ایستعفا وئرمه‌یه‌جگینی آچیقلاییب
ایسپانیانین باش ناظیری پدرو سانچز اؤز وظیفه‌سینده قالاجاغینی آچیقلاییب.
