بلینکن یئنه اورتادوغویا سفر ائدهجک
بلینکن، غزهیه اینسانی کؤمکلرین چاتدیریلماسی، چاتیشمالارین سونا چاتماسیندان سونرا بؤلگهنین نئجه ایداره اولوناجاغی و اولاسی بیر موستقیل فیلیسطین دؤولتینین تانینماسینا دایر گؤروشمهلر گئرچکلشدیرهجک
آمریکا بیرلشمیش دؤولتلری خاریجی ایشلر باخانی آنتونی بلینکن، هفته سونو بیر دفعه داها اورتا دوغویا گئدهرک غزه یولاغینداکی وضعیته باغلی گؤروشمهلر گئچیرهجک.
آغ ائو ایله آمریکا خاریجی ایشلر باخانلیغی مقاملاری، آنتونی بلینکنین بؤلگهیه ائدجگی سفره باغلی آچیقلامالار وئردی.
بونا گؤره بلینکن، غزه یولاغینا اینسانی کؤمکلرین چاتدیریلماسی، چاتیشمالارین سونا چاتماسیندان سونرا بؤلگهنین نئجه ایداره اولوناجاغی و اولاسی بیر موستقیل فیلیسطین دؤولتینین تانینماسینا دایر گؤروشمهلر گئرچکلشدیرهجک.
حماسین عسگری قانادی عزالدین قسام توغایلاری، ۷ اکتبردا ایسرائیله "اقصی توفانی" آدلی گئنیش بیر سالدیری باشلاتدیغینی بیلدیرمیشدی.
ایسرائیل اوردوسو دا بونا قارشیلیق، غزه یولاغینا دمیر قیلینجلار عملیاتی باشلاتدیغینی آچیقلامیشدی.
آرتان گرگینلیکده، چوخو اوشاق و قادین ۲۷ مین فیلیسطینلی جان وئردی.
ایلگیلیلی خبرلر
ایسپانیانین باش ناظیری ایستعفا وئرمهیهجگینی آچیقلاییب
ایسپانیانین باش ناظیری پدرو سانچز اؤز وظیفهسینده قالاجاغینی آچیقلاییب.