هیندوستان-دا گوجلو قاسیرغا 24 نفرین اؤلومونه سبب اولدو
"میچاونگ" قاسیرغاسی هیندوستانین گونئی-دوغوسوندا ان آز 24 نفرین حیاتینا سون قویوب.
2074827
![هیندوستان-دا گوجلو قاسیرغا 24 نفرین اؤلومونه سبب اولدو](http://cdn.trt.net.tr/images/xlarge/rectangle/26d6/980f/62e0/656de4bbd4817.jpg?time=1719153729)
"میچاونگ" قاسیرغاسی هیندوستانین گونئی-دوغوسوندا ان آز 24 نفرین حیاتینا سون قویوب.
هفتهنین اولینده تامیل نادو ایالتینین ساحللرینه چاتان "میچاونگ" قاسیرغاسی چنای شهرینده و اونون اطرافیندا حیاتی فلج ائدیب.
شدتلی لئیسان یاغیشلاری نتیجهسینده شهرین بیر نئچه بولگهسی سو آلتیندا قالیب.
حاضیردا گوجونو ایتیرن قاسیرغا اراضینی ترک ائتدیکجه و شهرلری باسان سویون سویهسی آشاغی ائندیکجه هلاک اولانلاری جسدلری اوزه چیخیر. بو سببدن طبیعی فلاکت نتیجهسینده اؤلنلرین سایی بارهده معلوماتلار دایم یئنیلنیر.
چنای پولیسی قربان لارین اکثریتینین سودا بوغولاراق و الکتریک خط لرینین آشماسی نتیجهسینده جریان وورماسی نتیجهسینده اؤلدوگونو بیلدیریر.