عراق و سوریه‌ده آمریکا مرکزلرینه ۵۵ سالدیری اولدو
آمریکا، مرکزلرینه ائدیله‌ن سالدیریلاردان ایران ایله باغلانتیلی قروپلاری مسئول توتور
آمریکا بیرلشمیش دؤولتلری ساوونما باخانلیغی پنتاگون، ۱۷ اکتبردان بو یانا عراق و سوریه‌‌ده‌کی آمریکا مرکزلرینه ۵۵ سالدیری تشکیل ائدیلدیگینی ایفاده ائتدی.
پنتاگون سؤزچو کؤمکچیسی سابرینا سینگ، گونلوک مطبوعات کنفرانسیندا، آمریکا مرکزلرینه ائدیله‌ن سالدیریلارلا باغلی گونجل بیلگیلر وئردی.
سالدیریلارین باشلادیغی ۱۷ اکتبردان بو یانا عراقدا ۲۷، سوریه‌ده ۲۸ اولماق اوزره آمریکا مرکزلرینه قارشی ۵۵ سالدیری گئرچکلشدیریلدیگینی ایفاده ائد‌ن سینگ، بو سالدیریلاردا ۵۹ پرسنلین یونگول شکیلده یارالاندیغینی و هامیسینین وظیفه‌سینین باشینا قاییتدیغینی ایفاده ائتدی.
سینگ، آمریکا مرکزلرینه ائدیله‌ن سالدیریلاردان ایران ایله باغلانتیلی قروپلاری مسئول توتاراق، آمریکانین سؤزو گئدن سالدیریلارا قارشیلیق وئرمه حاقینا صاحب اولدوغونو سؤیله‌دی.
ایسرائیل-فیلیسطین چاتیشماسینین بؤلگه‌یه یاییلماماسی، غزه ایله محدود قالماسی اوچون چالیشدیقلارینی دیله گتیره‌ن سینگ، آمریکانین بؤلگه‌ده‌کی گوجلو وارلیغییلا بو آنا قدر بو "داشیندیریجیلیق" سیاستیند‌ه باشاریلی اولدوقلارینی ساووندو.
